Lionel Messi 2024: കോപ്പ അമേരിക്ക കഴിഞ്ഞ് മെസി വിരമിക്കുമോ പ്രതികരണവുമായി സഹതാരം
1149 views
കായികം വീഡിയോസ് സബ്സ്ക്രൈബ് ചെയ്യൂഫുട്ബോൾ ഇതിഹാസവും അർജന്റീനൻ താരവുമായ ലയണൽ മെസി വിരമിക്കുമോ എന്ന ചോദ്യമാണ് ഇപ്പോൾ ഉയർന്നുവരുന്നത്. 2024 കോപ്പ അമേരിക്ക ചാമ്പ്യൻഷിപ്പിനു ശേഷം മെസി വിരമിക്കുമോ എന്ന കാര്യത്തിൽ സഹതാരം മനസ്സ് തുറന്നിരിക്കുകയാണിപ്പോൾ. നിലവിൽ കോപ്പ അമേരിക്കയിലെ ചാമ്പ്യന്മാരായ അർജന്റീന ടീം കരസ്ഥമാക്കിയ കിരീടം നിലനിർത്തുക എന്നതാണ് ടീമിന്റെ ലക്ഷ്യം. അർജൻറീനയുടെയും ഇംഗ്ലീഷ് പ്രീമിയർ ലീഗ് ക്ലബ്ബായ മാഞ്ചസ്റ്റർ സിറ്റി എഫ് സിയുടെ താരമായ ജൂലിയൻ ആൽവരസാണ് ലയണൽ മെസി വിരമിക്കുമോ എന്ന ചോദ്യത്തിന് പ്രതികരണവുമായി രംഗത്ത് വന്നത്. 2022 ഫിഫ ലോകകപ്പ് ട്രോഫി സ്വന്തമാക്കിയ അർജൻറൈൻ ടീമിലെ താരമായിരുന്നു ജൂലിയൻ ആൽവരസ്. കോപ്പ അമേരിക്കയ്ക്ക് ശേഷം ലയണൽ മെസി വിരമിക്കരുത് എന്നതാണ് ജൂലിയൻ ആൽവരസിനും പറയാനുള്ളത്. അർജൻറീനയ്ക്കു വേണ്ടി കളിക്കാൻ സാധിക്കുന്ന കാലത്തോളം മെസി ബൂട്ട് അണിയുന്നത് കാണാനാണ് തൻറെ ആഗ്രഹമെന്നും അർജൻറീനയ്ക്കു വേണ്ടി എത്രനാൾ കളിക്കണം എന്നത് അദ്ദേഹം സ്വയം തീരുമാനിക്കേണ്ടതാണ്. അദ്ദേഹത്തിനു എത്രനാൾ വേണമെങ്കിലും കളിക്കാമെന്നും ജൂലിയൻ ആൽവരസ് പറഞ്ഞു.