Google Most Searched Sports Star: 25 വർഷത്തിനിടെ ഏറ്റവും കൂടുതൽ ആളുകള് തിരഞ്ഞ ക്രിക്കറ്റ് താരം
1067 views
കായികം വീഡിയോസ് സബ്സ്ക്രൈബ് ചെയ്യൂഓരോ ദിവസവും പുതിയ റെക്കോഡുകൾ സൃഷ്ടിക്കുന്നതിൽ മുൻപന്തിയിലാണ് വീരാട് കോഹ്ലി. കഴിഞ്ഞ ദിവസം പുറത്തുവന്ന ഗൂഗിളിന്റെ കണക്കനുസരിച്ച് കഴിഞ്ഞ 25 വർഷത്തിനിടെ ഏറ്റവും കൂടുതൽ ആളുകള് തിരഞ്ഞ ക്രിക്കറ്റ് താരം കോഹ്ലിയാണ്. സാമൂഹിക മാധ്യമമായ എക്സിലൂടെയാണ് ഇന്റർനെറ്റിൽ കഴിഞ്ഞ 25 വർഷത്തിനിടയിൽ ഏറ്റവും കൂടുതൽ തിരഞ്ഞ ക്രിക്കറ്റ് കളിക്കാരൻ 'കിംഗ് കോഹ്ലി'യാണെന്ന് ഗൂഗിൾ ആരാധകരുമായി പങ്കുവെച്ചത്. സച്ചിന് തെണ്ടുല്ക്കര്, എം.എസ് ധോനി, രോഹിത് ശര്മ എന്നിവരും പട്ടികയില് ഇടം പിടിച്ചിട്ടുണ്ട്. എന്നാൽ ഏറ്റവും കൂടുതല് ആളുകള് തിരഞ്ഞ കായിക താരം കൊഹ്ലിയല്ല എന്നതാണ് മറ്റൊരു കാര്യം. സൗദി ക്ലബ്ബ് അല് നസറിനു വേണ്ടി കളിക്കുന്ന പോര്ച്ചുഗീസ് സൂപ്പര് താരം ക്രിസ്റ്റ്യാനോ റൊണാള്ഡോയാണ് ഗൂഗിളിന്റെ 25 വര്ഷത്തെ ചരിത്രത്തില് ഏറ്റവും കൂടുതല് സെര്ച്ച് ചെയ്യപ്പെട്ട കായികതാരമെന്നാണ് കണക്കുകളിൽ നിന്നും വ്യക്തമാക്കുന്നത്. അതേസമയം, ക്രിക്കറ്റിലെ ബാറ്റിങ് റെക്കോഡുകള് പലതും ഇന്ന് കോഹ്ലി സ്വന്തമാക്കിയിരിക്കുകയാണ്. സച്ചിന് തെണ്ടുല്ക്കറുടെ റെക്കോഡുകള് പലതും തിരുത്തിയാണ് ഇപ്പോള് താരത്തിന്റെ കുതിപ്പ്. ഇപ്പോഴിതാ ക്രിക്കറ്റ് കളിക്കപ്പുറം റെക്കോഡിന് പുറത്ത് മറ്റൊരു നേട്ടം സ്വന്തമാക്കിയിരിക്കുകയാണ് താരം.