ODI World Cup Indian Team: ഏകദിന ലോകകപ്പ് ഇന്ത്യൻ സ്ക്വാഡിനെ വിമർശനംODI World Cup Indian Team ഇത്തവണത്തെ ഏകദിന ലോകകപ്പ് ഇന്ത്യൻ ടീമിനെ ചൊവ്വാഴ്ചയാണ് പ്രഖ്യാപിച്ചത്. വലിയ സർപ്രൈസുകളൊന്നുമില്ലാത്ത 15 അംഗസ്ക്വാഡിനെ മുഖ്യ സെലക്ടറായ അജിത് അഗാർക്കറാണ് പ്രഖ്യാപിച്ചത്. സാധാരണ പോലെ തന്നെ പ്രഖ്യാപനത്തിന് പിന്നാലെ വിവാദങ്ങളും ഉണ്ടായി. മലയാളി താരം സഞ്ജു സാംസണെ തഴഞ്ഞതാണ് ആരാധകരെ തുടക്കത്തിൽ കലിപ്പിലാക്കിയത്. മികച്ച ഏകദിന റെക്കോഡുള്ള സഞ്ജു സാംസണെ ഒഴിവാക്കി സൂര്യകുമാർ യാദവിനെയും, പരിക്ക് പറ്റിയ കെഎൽ രാഹുലിനെയും സ്ക്വാഡിൽ ഉൾപ്പെടുത്തിയത് ആരാധകർക്ക് ദഹിച്ചിട്ടില്ല. ടീം സെലക്ഷനെതിരെ മറ്റൊരു വിമർശനം കൂടി എത്തിയിരിക്കുകയാണിപ്പോൾ. മുൻ ഇന്ത്യൻ താരം കൃഷ്ണമാചാരി ശ്രീകാന്താണ് ഈ വിവാദത്തിന് പിന്നിൽ.