ഹൈദരാബാദിന് വീണ്ടും തോൽവി ; ലഖ്നൗവിന് ജയം |SRH-LSG | IPL |
ഹൈദരാബാദിന് വീണ്ടും തോൽവി. ലഖ്നൗ സൂപ്പർ ജയന്റ്സിനെതിരെ നടന്ന മത്സരത്തിൽ ആണ് ഹൈദരാബാദിന് വീണ്ടും തോൽവി നുണയേണ്ടി വന്നത്. ക്യാപ്റ്റൻ എയ്ഡൻ മാർക്രമെത്തിയിട്ടും സൺറൈസേഴ്സ് ഹൈദരാബാദിന് വിജയിക്കാൻ സാധിച്ചില്ല. അതെ സമയം തുടർച്ചയായ തോൽവി ടീമിന്റെ മുന്നോട്ടുള്ള ഐപിഎൽ യാത്രയെയും പ്രതികൂലമായി ബാധിച്ചേക്കും.എന്നാൽ മറുപടി ബാറ്റിങ്ങിന് ഇറങ്ങിയ ലഖ്നൗവിനെ വിറപ്പിക്കാൻ ഹൈദരാബാദിന് സാധിച്ചു, പക്ഷെ ജയത്തിലെത്താൻ പറ്റുന്ന സ്കോർ അവർക്ക് നേടാനായിരുന്നില്ല. സ്പിന്നർ ആദിൽ റാഷിദാണ് കെഎൽ രാഹുലിനെയും സംഘത്തെയും ഞെട്ടിച്ചത്. 121 റൺസ് പിന്തുടർന്ന് ഇറങ്ങിയ 13 റൺസെടുത്ത ലക്നോവിന് കെയ്ൽ മെയേഴ്സിനെ നഷ്ടമായെങ്കിലും നായകൻ കെഎൽ രാഹുൽ പൊരുതിക്കളിച്ചു. രാഹുലിൻെറ 35 റൺസ് ടീമിന് വലിയ ആത്മവിശ്വാസം പകർന്നു. എന്നാൽ യഥാർഥ വിജയശിൽപി ക്രുനാൽ പാണ്ഡ്യ തന്നെയായിരുന്നു. പന്തെറിഞ്ഞ് 3 വിക്കറ്റെടുത്ത പാണ്ഡ്യ 4 ഫോറും 1 സിക്സുമടക്കം 34 റൺസ് നേടി. 16 ഓവറിലാണ് ലക്നോ വിജയം ഉറപ്പാക്കിയത്. 5 വിക്കറ്റിനാണ് ടീമിൻെറ വിജയം. ക്രുനാൽ പാണ്ഡ്യയുടെ ഓൾറൌണ്ട് മികവ് തന്നെയാണ് ഇരുടീമുകളെയും വേറിട്ട് നിർത്തിയത്.sportsTimesXP MalayalamUpdated: 8 Apr 2023, 11:03 am