Zomato വെജിറ്റേറിയൻസിനായും ഇനി ഭക്ഷണമെത്തും; പ്യുവർ വെജ് മോഡുമായി സോമറ്റോ
വാർത്തകൾ വീഡിയോസ് സബ്സ്ക്രൈബ് ചെയ്യൂ
വെജിറ്റേറിയൻ ഉപഭോക്താക്കളുടെ ഒരു ദീർഘകാല ആശങ്കയ്ക്ക് പരിഹാരം ഒരുക്കിയിരിക്കുകയാണ് ഓൺലൈൻ ഫുഡ് ഡെലിവെറിങ് പ്ലാറ്റഫോമായ സോമറ്റോ. വെജിറ്റേറിയൻ ഭക്ഷണം മാത്രം കഴിക്കുന്നവർക്ക് വെജിറ്റേറിയൻ ഹോട്ടലിൽ നിന്ന് ഭക്ഷണം എത്തിക്കാനാണ് സോമറ്റോയുടെ തീരുമാനം. 100 ശതമാനം വെജിറ്റേറിയൻ ഭക്ഷണം ഇഷ്ടപ്പെടുന്നവർക്കായാണ് പ്യുവർ വെജ് മോഡ്, പ്യുവർ വെജ് ഫ്ലീറ്റ് എന്നിവയാണ് സോമറ്റോ വെജിറ്റേറിയൻ ഉപഭോക്താക്കൾക്കായി ഒരുക്കിയിരിക്കുന്നത്. സൊമാറ്റോ സിഇഒ ദീപിന്ദർ ഗോയൽ സമൂഹ മാധ്യമമായ എക്സിലാണ് സോമറ്റോയുടെ പുതിയ സംവിധാനം പങ്കുവെച്ചത്. വെജിറ്റേറിയൻ ഭക്ഷണം കഴിക്കുന്നവരുടെ ശതമാനം നോക്കുമ്പോൾ ഇന്ത്യയാണ് ലോകത്ത് വച്ച് ഏറ്റവും മുന്നിൽ. ഇന്ത്യക്കാരായാ വെജിറ്റേറിയൻസിൽ നിന്ന് ശേഖരിച്ച പ്രതികരണത്തിൽ നിന്ന് ഭക്ഷണം എവിടെ, എങ്ങനെ പാകം ചെയ്തു, എങ്ങനെ കൊണ്ടുവന്നു തുടങ്ങിയ ആശങ്കകൾ വെജിറ്റേറിയൻ ഉപഭോക്താക്കളെ സംബന്ധിച്ച് ആശങ്കകൾ സൃഷ്ടിച്ചിരുന്നു. ഈ ആകുലതകൾ പരിഹരിക്കാനാണ് പ്യുവർ വെജ് മോഡ്, പ്യുവർ വെജ് ഫ്ലീറ്റ് അവതരിപ്പിക്കുന്നതെന്ന് ദീപീന്ദർ ഗോയൽ ഔദ്യോഗിക എക്സ് അക്കൗണ്ടിൽ വ്യക്തമാക്കി.