വാട്സാപ്പിന്റെ പുതിയ ഫീച്ചർവാട്സാപ്പിന്റെ ഏറ്റവും പുതിയ ഫീച്ചറാണ് ചാനൽ. മമ്മൂട്ടിയും മോഹൻലാലും ഉൾപ്പടെ വാട്സാപ്പ് ചാനൽ തുടങ്ങിയതോടെ സംഭവം സോഷ്യൽ മീഡിയയിൽ ചർച്ചയാണ്. എന്താണ് വാട്സാപ്പ് ചാനൽ. ടെലിഗ്രാം ചാനൽ പോലെ നമുക്ക് ഫോട്ടോസ്, വീഡിയോസ്, ലിങ്ക് എന്നിവ ഷെയർ ചെയ്യാനുള്ള ഒരു ബ്രോഡ്കാസ്റ്റിംഗ് സംവിധാനമാണ് വാട്സാപ്പ് ചാനൽ. ഇതിൽ ചാനൽ തുടങ്ങിയ ആൾക്കോ, സ്ഥാപനത്തിനോ മാത്രമേ മെസ്സേജ് അയക്കാൻ കഴിയുകയുള്ളു. നിലവിൽ സെലിബ്രിറ്റികൾ, മാധ്യമങ്ങൾ, സ്ഥാപനങ്ങൾ എന്നിവ ചാനലുകൾ ആരംഭിച്ചു കഴിഞ്ഞു. ടെലഗ്രാമിനോട് മത്സരിക്കാനുള്ള തീരുമാനത്തിലാണ് മെറ്റയുടെ പുതിയ നീക്കമെന്ന് വ്യക്തമാക്കുകയാണ് വാട്സാപ്പിന്റെ പുതിയ ചാനൽ ഫീച്ചർ.