ആലപ്പുഴയിൽ കടൽ ഉൾവലിഞ്ഞ സംഭവത്തിൽ ആശങ്ക വേണ്ടെന്ന് വിദഗ്ധർ
1041 views
വാർത്തകൾ വീഡിയോസ് സബ്സ്ക്രൈബ് ചെയ്യൂആലപ്പുഴ പുറക്കാട് കടൽതീരത്ത് കടൽ ഉൾവലിഞ്ഞ സംഭവത്തിൽ ആശങ്ക വേണ്ടെന്നും ഇത് സ്വാഭാവിക പ്രതിഭാസമാണെന്നും വിദഗ്ധർ വ്യക്തമാക്കി. മത്സ്യത്തൊഴിലാളികൾ സംശയിച്ചതുപോലെ ചാകരയ്ക്ക് മുന്നോടിയായാണ് ഈ പ്രതിഭാസമെന്നാണ് വിദഗ്ധരുടെ റിപ്പോർട്ട്. ചൊവ്വാഴ്ച രാവിലെ ആറരയ്ക്ക് ശേഷം പുറക്കാട് മുതൽ തെക്കോട്ട് 300 മീറ്റർ ഭാഗത്താണ് 50 മീറ്റർ കടൽ ഉൾവലിഞ്ഞത്. അയ്യൻകോയിക്കൽ മുതൽ പുറക്കാട് എസ്ഡിവി സ്കൂൾ വരെ അരകിലോമീറ്ററോളം ദൂരത്താണ് ഈയൊരു പ്രതിഭാസം നടന്നത്. തുടർന്ന് തീരത്ത് ചെളി നിറഞ്ഞതോടെ മത്സ്യബന്ധനത്തിന് പോയ ബോട്ടുകൾക്ക് തീരത്തേക്ക് തിരിച്ചെത്താൻ സാധിച്ചിരുന്നില്ല. എന്നാൽ, പകൽ 12 മണിയോടെ കടൽ പൂർവസ്ഥിതിയിലേക്ക് എത്തുകയും ചെളി പൂർണമായും നീങ്ങുകയും ചെയ്തു. ആശങ്ക പൂർണമായും മാറിയെന്നും ചാകര തന്നെയാണെന്നും പ്രദേശത്തെ മുതിർന്ന മത്സ്യത്തൊഴിലാളി പറഞ്ഞു