Daniel Balaji: വില്ലൻ കഥാപാത്രങ്ങളിലൂടെ സിനിമയിൽ; തമിഴകത്തിന് തീരാനോവായി നടൻ ഡാനിയൽ ബാലാജി
വാർത്തകൾ വീഡിയോസ് സബ്സ്ക്രൈബ് ചെയ്യൂ
തമിഴിൽ വില്ലന് കഥാപാത്രങ്ങൾ അവതരിപ്പിച്ച നടൻ ഡാനിയൽ ബാലാജിയുടെ മരണവാർത്തയറിഞ്ഞ നടുക്കത്തിലാണ് തമിഴകം. ഹൃദയാഘാതത്തെ തുടർന്ന് ഇന്നലെ രാത്രിയാണ് മരണപ്പെട്ടത്. ചെന്നൈ തരമണി ഫിലിം ഇൻസ്റ്റിറ്റ്യൂട്ടിൽ നിന്നും ഡയറക്ഷൻ കോഴ്സ് പൂർത്തിയാക്കിയ ബാലാജി ടെലിവിഷൻ സീരിയലുകളിലൂടെയാണ് അഭിനയ മേഖലയിൽ തുടക്കം കുറിച്ചത്. തുടർന്ന് ബ്ലാക്ക്, ഫോട്ടോഗ്രാഫർ, ഭഗവാൻ, ഡാഡി കൂൾ തുടങ്ങിയ സിനിമകളിലൂടെ മലയാളികൾക്കും ഏറെ പരിചിതനായ വില്ലൻ വേഷങ്ങളിലൂടെയാണ് ബാലാജി ഇന്റസ്ട്രിയിൽ തന്റെ ഇടം കണ്ടെത്തിയത്. സിനിമാ പാരമ്പര്യമുള്ള കുടുംബത്തിൽ നിന്നുള്ള ഒരു താരം കൂടിയാണ് ബാലാജി. കമൽ ഹസന്റെ പുറത്തിറങ്ങാത്ത സിനിമയായ മരുദനായകത്തിന്റെ യൂനിറ്റ് പ്രൊഡക്ഷൻ മാനേജരായി സിനിമ ലോകത്തേക്ക് എത്തിയ നടൻ പിന്നീട് ചെറിയ റോളുകൾ ചെയ്യാൻ തുടങ്ങി. ഏപ്രിൽ മാദം എന്ന ചിത്രത്തിലാണ് ബാലാജി ആദ്യമായി അഭിനയിച്ച ചിത്രം.