elephant belt brake system: വിരണ്ടോടുന്ന ആനയെ തളയ്ക്കാൻ ഈ ബെൽറ്റ് മതിവാർത്തകളിൽ ഉൽസവപ്പറമ്പുകളിലും മറ്റും ആനവിരോണ്ടോടി ആളുകൾക്ക് പരിക്ക് പറ്റിയ സംഭവങ്ങൾ വായിച്ചും കണ്ടും കാണും. ആൾകൂട്ടത്തിൽ ആനവിരണ്ടോടിയാൽ അതിച്ചിരി കുഴപ്പം തന്നെയാണ്. ആളുകളും കൂട്ടത്തിൽ ഭയന്നോടുന്നത് കൊണ്ട് അപകടങ്ങൾ പറ്റാനും സാധ്യതയുണ്ട്. അപ്പോഴീ ആനകളെ പെട്ടന്നു ബ്രേക്കിട്ടത്പോലെ പിടിച്ചു നിർത്താൻ പറ്റിയാലോ?. അങ്ങനെ ഒരു ആശയം പരിചയപ്പെടുത്തുകയാണ് തൃശൂർ സ്വദേശി സുരേഷ്. ആനയുടെ കാലുകൾക്കു പരുക്കേൽക്കാതെയും സുരക്ഷിതമായും വളരെ എളുപ്പത്തിൽ പയറ്റാമെന്നതാണ് ഈ വിദ്യയുടെ പ്രത്യേകത. പാപ്പന് ചങ്ങലയും കയറും ഉപയോഗിക്കാതെ ആനയെ തളയ്ക്കാൻ പറ്റും വെറും ബെൽറ്റ് കൊണ്ട്. വാർത്തകളിലൂടെ ആന വിരണ്ടോടുന്നത് മൂലം ആളുകൾക്കും ആനകൾക്കും പരിക്കുപറ്റുന്ന സാഹചര്യം മനസിലാക്കിയാണ് ആനകളെ പെട്ടന്ന് നിയന്ത്രിക്കാൻ സാധിക്കുന്ന എന്നാൽ ആനയ്ക്ക് അത് വളരെ ലളിതമായി തോന്നുന്ന ഒന്ന് നിർമ്മിച്ചെടുക്കാൻ സുരേഷ് താരുമാനിക്കുന്നത്. അങ്ങനെയാണ് ബെൽറ്റ് ഉണ്ടാക്കുന്നത്. ആന വിരണ്ടോടാൻ സാധ്യതയുണ്ടെന്നോ മദം പൊട്ടലിന്റെ ലക്ഷണങ്ങളോ കാട്ടിയാൽ അപ്പോൾ തന്നെ പാപ്പന് ഈ ബെൽറ്റ് ഉപയോഗിച്ച് ആനയെ തളയ്ക്കാൻ സാധിക്കുമെന്നാണ് സുരേഷ് പറയുന്നത്.