V Muraleedharan: നന്ദി സൂചകമായി വി മുരളീധരന് തെരഞ്ഞെടുപ്പിൽ കെട്ടിവെക്കാനുള്ള തുക നൽകി വിദ്യാർഥികൾ
വാർത്തകൾ വീഡിയോസ് സബ്സ്ക്രൈബ് ചെയ്യൂ
ആറ്റിങ്ങൽ ലോക്സഭാ മണ്ഡലത്തിലെ എൻഡിഎ സ്ഥാനാർഥി വി മുരളീധരന് തെരഞ്ഞെടുപ്പിൽ കെട്ടിവെക്കാനുള്ള തുക നൽകി യുദ്ധഭൂമിയായിരുന്ന യുക്രൈനിൽനിന്ന് രക്ഷപ്പെട്ടെത്തിയ വിദ്യാർഥികൾ. ബിജെപി സംസ്ഥാന കാര്യാലയത്തിൽ മാതാപിതാക്കളോടൊപ്പമെത്തിയാണ് വിദ്യാർഥികൾ സമാഹരിച്ച തുക വി മുരളീധരന് കൈമാറിയത്. സായി ശ്രുതി, സൗരവ് എന്നിവരാണ് വിദ്യാർഥി സംഘത്തെ പ്രതിനിധീകരിച്ചു മാതാപിതാക്കൾക്കൊപ്പം എത്തിയത്. തങ്ങളെ രക്ഷപ്പെടുത്തിയതിനുള്ള നന്ദി സൂചകമായാണ് തുക നൽകാൻ തീരുമാനിച്ചതെന്ന് വിദ്യാർഥികൾ പറഞ്ഞു.ലോക്സഭാ തെരഞ്ഞെടുപ്പിൽ മത്സരിക്കുന്നതിനായി കെട്ടിവെക്കാനുള്ള തുക സമാഹരിച്ചു നൽകിയ വിദ്യാർഥികളോട് ഹൃദയം നിറഞ്ഞ സ്നേഹമുണ്ടെന്ന് വി മുരളീധരൻ പറഞ്ഞു.