1977 മുതൽ യാത്ര സൈക്കിളിൽ ഭാസി ചേട്ടൻ ഇങ്ങനെയാണ്
1023 views
വാർത്തകൾ വീഡിയോസ് സബ്സ്ക്രൈബ് ചെയ്യൂസൈക്കിൾ തൻ്റെ ജീവനും വാഹനവുമാക്കിയ ആളാണ് ഭാസി ചേട്ടൻ. 1977ൽ അച്ഛൻ്റെ ചേട്ടൻ സമ്മാനിച്ച സൈക്കിൾ ഇന്നും ഭാസി ചേട്ടൻ്റെ കൈവശമുണ്ട്. അന്ന് മുതൽ ഇന്നു വരെ ഭാസി ചേട്ടൻ്റെ യാത്ര സൈക്കിളിലാണ്. പറഞ്ഞുവരുന്നത് കോട്ടയം ജില്ലയിലെ കാഞ്ഞിരപ്പള്ളി പഞ്ചായത്തിലെ വിഴിക്കിത്തോട് സ്വദേശിയായ ശ്രീവിലാസം ഭാസി ജി എന്ന റിട്ടയേർഡ് പോസ്റ്റുമാനായ ഭാസി ചേട്ടൻ്റെ ജീവിതമാണ്. അഞ്ചു പതിറ്റാണ്ടോളം പഴക്കമുണ്ട് ഭാസി ചേട്ടൻ്റെ ഈ സൈക്കിളിന്. 1979 നവംബർ 22 ന് ആരംഭിച്ച പോസ്റ്റുമാൻ ജീവിതം 2020 സെപ്റ്റംബർ 11 ന് അവസാനിച്ചു. ഇക്കാലയളവിൽ ഭാസി ചേട്ടൻ്റെ യാത്ര സൈക്കിളിലായിരുന്നു. ജോലിക്കായി മാത്രമല്ല, തൻ്റെ ജീവിതയാത്രകളും ഈ സൈക്കിളിലായിരുന്നു. അതേ, 2020 വരെയുള്ള ഇക്കാലയളവിൽ ഒരിക്കൽ പോലും ഭാസി ചേട്ടൻ ബസിൽ യാത്ര ചെയ്തിട്ടില്ല. കാൽവേദന അനുഭവപ്പെട്ടതോടെ സൈക്കിൾ യാത്ര ഇപ്പോൾ കുറച്ചിരിക്കുകയാണ്. എങ്കിലും ആ സൈക്കിൾ പൊന്നുപോലെ തന്നെയാണ് ചേട്ടൻ സംരക്ഷിക്കുന്നത്.