Joy Mathew react ramakrishnan issue: രാമകൃഷ്ണനെതിരെയുള്ള ജാതീയ അധിക്ഷേപത്തിൽ പ്രതികരിച്ച് പ്രമുഖർ
1092 views
വാർത്തകൾ വീഡിയോസ് സബ്സ്ക്രൈബ് ചെയ്യൂആർഎൽബി രാമകൃഷ്ണനെതിരെ കലാമണ്ഡലം അധ്യാപിക നടത്തിയ ജാതീയ അധിക്ഷേപത്തിൽ പ്രതികരിച്ച് പ്രമുഖർ. രാമകൃഷ്ണന് കാക്കയുടെ നിറമായതുകൊണ്ട് മോഹിനിയാട്ടം ചേരില്ലെന്നും, മോഹിനിയാട്ടം സ്ത്രീകൾക്കുള്ളതാണെന്നുമായിരുന്നു അധ്യാപികയുടെ അധിക്ഷേപം. തുടർന്ന് നിരവധി ആളുകളാണ് രാമകൃഷ്ണന് പിന്തുണയുമായി രംഗത്തെത്തിയത്. 'ഞങ്ങൾക്ക് കാക്കയുടെ നിറമുള്ള മോഹിനിയാട്ടം മതി എന്നും ഇനി മോഹിനിയാട്ടം കളിക്കുമ്പോൾ ഒരു പ്രതിഷേധമെന്ന നിലയ്ക്ക് മുഖത്തും ശരീരത്തിലും വെള്ള പൂശരുത് എന്നിട്ട് .ഭൂമി കുലുങ്ങുമോ എന്ന് നമുക്ക് നോക്കാം എന്നാണ് ഹരീഷ് പേരാടി പിന്തുണ അറിയിച്ച് ഫേസ്ബുക്കിൽ കുറിച്ചത് അതെസമയം ജോയ് മാത്യുവും പിന്തുണ അറിയിച്ചു. കറുപ്പും വെളുപ്പും കാഴ്ചയുടെ പ്രശ്നമാണെന്നും വിവരവും വിവേകവുമാണ് മനുഷ്യർക്ക് വേണ്ടതെന്നുമാണ് ജോയ് മാത്യു തന്റെ ഫേസ്ബുക്കിലൂടെ രാമകൃഷ്ണന് പിന്തുണയറിയിച്ചത്. നൃത്തപഠനത്തിൽ ഡോക്ടറേറ്റ് നേടിയ രാമകൃഷ്ണൻ തത്ക്കാലം കറുത്ത് തന്നെ ഇരിക്കട്ടെ എന്നും.”പത്മ”കൾക്ക് വേണ്ടി യാചിക്കുന്ന ആശാന്മാരുടെ കാലത്ത് കലയുടെ തേര് തെളിച്ച് ധീരമായ് മുന്നോട്ട് പോവുക പ്രിയ സുഹൃത്തെ എന്നാണ് ജോയ് മാത്യു ഫേസ്ബുക്കിൽ കുറിച്ചത്. ഒരുപാട് പ്രതിസന്ധികൾ നേരിട്ട് വന്നയാളാണ് രാമകൃഷ്ണനെന്നും സോഷ്യൽ മീഡിയ ഉള്ളതുകൊണ്ടാണ് ഇത്തരത്തിലുള്ള സംഭവങ്ങൾ പുറത്ത് വന്നത്. കൂടാതെ ഈ സംഭവത്തെ കൂടുതൽ കാര്യക്ഷമമായി കാണണമെന്നും കൂടാതെ ഈ പരാമർശങ്ങൾ വെറുപ്പുളവാക്കുന്നതും പല തലങ്ങളിൽ വിവേചനവും അജ്ഞതയും വിളിച്ചുപറയുന്നതുമാണെന്ന് നർത്തകി മേതിൽ ദേവിക പ്രതികരിച്ചു കൂടാതെ ഇത് ഒരു വ്യക്തിക്ക് മാത്രമല്ല, ഒരു കൂട്ടായ്മയ്ക്ക് നേരെയുള്ള അധിക്ഷേപമായി കണക്കാക്കുമെന്നും ആർഎൽവി രാമകൃഷ്ണനെപ്പോലുള്ള കലാകാരന്മാരുടെ അശ്രാന്ത പരിശ്രമവുമാണ് മോഹിനിയാട്ടം എന്ന കലാരൂപത്തെ ഭിന്നിപ്പിൻ്റെ ചങ്ങലകളിൽ നിന്ന് മോചിപ്പിക്കാൻ സഹായിച്ചതെന്നും മേതിൽ ദേവിക അഭിപ്രായപ്പെട്ടു. പ്രശസ്തമായ കലാമണ്ഡലം അധ്യാപിക ഇത്തരത്തിലൊരു ജാതി അധിക്ഷേപം പറഞ്ഞത് തെറ്റാണെന്നും രാമകൃഷ്ണന് ഒരു നർത്തകന് വേണ്ട എല്ലാ ലക്ഷണവും ഉണ്ടെന്നും സംവിധായകൻ രാജസേനൻ ഫേസ്ബുക്കിലൂടെ പ്രതികരിച്ചു.