PC George: പത്തനംതിട്ടയിൽ മത്സരിച്ചാൽ ജയിക്കുമെന്ന് ഉറപ്പുണ്ടെന്ന് പിസി ജോർജ്പിസി ജോർജും അദ്ദേഹത്തിന്റെ പാർട്ടിയായ കേരള ജനപക്ഷം സെക്യുലർ ബിജെപിയിലേക്ക് ലയിക്കുന്നുവെന്ന വാർത്തയാണ് പുറത്തുവരുന്നത്. ബിജെ പി യിൽ ചേരണമെന്ന അനുകൂലമായ നിലപാടാണ് ജനപക്ഷം സംസ്ഥാന നേതൃത്വത്തിൻ്റേത്. ബിജെപിയിൽ ലയിക്കാനുള്ള തീരുമാനം വന്നതിനുപിന്നാലെ പ്രതികരണവുമായി പിസി ജോർജ് രംഗത്ത് എത്തി. ബിജെപി പറയുന്നതുപോലെയാണ് കാര്യങ്ങൾ തീരുമാനിക്കുകയെന്നും പാർട്ടി പറഞ്ഞാൽ പത്തനംതിട്ടയിൽ മത്സരിക്കുമെന്നും ജയിക്കുമെന്ന് ഉറപ്പുണ്ടെന്നും അദ്ദേഹം വ്യക്തമാക്കി. രണ്ട് മാസമായി നടക്കുന്ന ചര്‍ച്ചയുടെ അടിസ്ഥാനത്തിലാണ് തീരുമാനമെന്നും അദ്ദേഹം പറഞ്ഞു. കഴിഞ്ഞ ലോക്സഭ തിരഞ്ഞെടുപ്പിൽ എൻഡിഎ മുന്നണിയോടൊപ്പമായിരുന്നു പിസി ജോർജിൻ്റെ ജനപക്ഷം പാർട്ടി. അടുത്തിടെ വീണ്ടും മുന്നണിയുടെ ഭാഗമാകാനുള്ള താല്‍പര്യം പിസി ജോര്‍ജ് അറിയിച്ചപ്പോള്‍ ലയനമെന്ന നിബന്ധന ബിജെപിയാണ് മുന്നോട്ടുവെക്കുകയായിരുന്നു.