Norka announces insurance policy: പ്രവാസജീവിതം അവസാനിച്ചാലും കൈത്താങ്ങായി ഇൻഷുറൻസ് പരിരക്ഷ
1010 views
വാർത്തകൾ വീഡിയോസ് സബ്സ്ക്രൈബ് ചെയ്യൂപ്രവാസജീവിതം വഴിമുട്ടി കുടുംബം ഉൾപ്പടെ പ്രതിസന്ധിയിലാകുന്ന പ്രവാസികളുടെ അനുഭവങ്ങൾ ഏറെയുള്ള നാടാണ് കേരളം. പ്രവാസികളുടെയും അവരുടെ കുടുംബങ്ങളുടെയും അത്തരം ആശങ്കകൾക്ക് പരിഹാരമൊരുക്കുകയാണ് നോർക്ക റൂട്സ്. പ്രവാസജീവിതത്തിൽ തിരിച്ചടി സംഭവിച്ചതും, പ്രവാസം അവസാനിപ്പിച്ചും മടങ്ങിയെത്തുന്ന പ്രവാസികൾക്കും അവരുടെ കുടുംബങ്ങൾക്കും ഇൻഷുറൻസ് പരിരക്ഷ നൽകുന്ന പദ്ധതി പ്രഖ്യാപിച്ചു. നോർക്ക റൂട്സ് റസിഡന്റ് ചെയർമാൻ പി ശ്രീരാമകൃഷ്ണൻ മലപ്പുറത്ത് നടന്ന സംരംഭകത്വ പരിശീലന പരിപാടിയിലാണ് പദ്ധതി പ്രഖ്യാപിച്ചത്. പദ്ധതിയിൽ ചേരുന്നതിനുള്ള മാനദണ്ഡങ്ങൾ, പോളിസി തുക, കുറഞ്ഞത് എത്ര വർഷം തുക അടയ്ക്കണം തുടങ്ങിയ വിശദാംശങ്ങൾ പിന്നീട് ലഭ്യമാവും. ഇൻഷുറൻസ് ആനുകൂല്യങ്ങൾ ഏതൊക്കെ ഘട്ടങ്ങളിൽ ലഭിക്കും, പരമാവധി ലഭ്യമാവുന്ന തുക എന്നീ കാര്യങ്ങളും പിന്നീട് പ്രഖ്യാപിക്കും