MVD: കനത്ത ചൂട്; വാഹനങ്ങളിലെ അഗ്നിബാധ ഒഴിവാക്കാൻ മുന്നറിയിപ്പുമായി മോട്ടോർ വാഹന വകുപ്പ്സംസ്ഥാനത്ത് വേനൽച്ചൂട് വർധിക്കുന്ന സാഹചര്യത്തിൽ വാഹനങ്ങൾക്ക് അഗ്നിബാധയേൽക്കുന്നതും പതിവാകുന്നു. ഈ സാഹചര്യത്തിൽ വാഹനയാത്രക്കാർക്ക് മുന്നറിയിപ്പും സുരക്ഷാ നിർദേശങ്ങളുമായി രംഗത്തെത്തിയിരിക്കുകയാണ് കേരളം മോട്ടോർ വാഹന വകുപ്പ്. മോട്ടോർ വാഹന വകുപ്പിന്റെ ഫേസ്ബുക് പേജിലാണ് മുന്നറിയിപ്പ് നൽകിയിട്ടുള്ളത്. ഇന്ധന ലീക്കേജും ഗ്യാസ് ലീക്കേജും അനധികൃതമായ ആൾട്ടറേഷനുകളും ഫ്യൂസുകൾ ഒഴിവാക്കിയുള്ള ഇലക്ട്രിക് ലൈനുകളും അധിക താപം ഉല്പാദിപ്പിക്കപ്പെടുന്ന ബൾബുകളും തുടങ്ങി നിർത്തിയിടുന്ന പാർക്കിംഗ് സ്ഥലങ്ങൾ വരെ അഗ്നിബാധയ്ക്ക് കാരണമായേക്കാം, എന്നാൽ ഏതൊരു യാത്രക്കാരനും ചെയ്യണ്ട പ്രധാന കാര്യം അഗ്നിബാധയ്ക്ക് സാധ്യതയുള്ള ഘടകങ്ങൾ പൂർണമായും ഒഴിവാക്കുക എന്നതാണ്. വേനൽ ചൂട് വർധിക്കുമ്പോൾ ഇത്തരത്തിലുള്ള അപകടങ്ങളും നിരവധിയാണ് ഇത് ഒഴിവാക്കാനാണ് മോട്ടോർ വാഹന വകുപ്പ് മുന്നറിയിപ്പ് നൽകിയത്.