Shafi Parambil: 'ചെമ്പടയിത് ചെമ്പട ശൈലജ ടീച്ചറുടെ ചെമ്പട'; ഷാഫി പറമ്പിലിനെതിരേ മുദ്രാവാക്യം വിളി
1093 views
വാർത്തകൾ വീഡിയോസ് സബ്സ്ക്രൈബ് ചെയ്യൂകടുത്ത മത്സരിമാണ് ലോക്സഭ തെരഞ്ഞെടുപ്പിൽ വടകരയിൽ നടക്കുന്നത്. എൽഡിഎഫ് വടകര ലോക്സഭ മണ്ഡലത്തിൽ മത്സരത്തിനിറക്കിയിരിക്കുന്നത് കെകെ ശൈലജയെയാണ്. മുൻ ആരോഗ്യമന്ത്രി എന്ന നിലയിൽ കെകെ ശൈലജ നടത്തിയ പ്രവർത്തനങ്ങൾ മുതൽകൂട്ടാകും എന്നാണ് എൽഡിഎഫ് കരുതുന്നത്. അതേസമയം യുഡിഎഫ് സ്ഥാനാർഥി ഷാഫി പറമ്പിലാണ്. പാലക്കാട് നിന്നും വടകരയിലെത്തിയ ഷാഫി പറമ്പിലിന് വൻ സ്വീകരണമായിരുന്നു പ്രവർത്തകർ നൽകിയിരുന്നത്. എന്നാൽ ഇപ്പോൾ ഷാഫി പറമ്പിലിനെതിരെ മുദ്രാവാക്യം വിളിക്കുന്ന ഒരു വീഡിയോയാണ് സോഷ്യൽ മീഡിയയിൽ പ്രചരിക്കുന്നത്. മരുതോങ്കര പഞ്ചായത്തിലെ തൃക്കൈപ്പറമ്പ് ക്ഷേത്രോത്സവത്തോടനുബന്ധിച്ച് വോട്ട് അഭ്യർഥിക്കാൻ എത്തിയതായിരുന്നു ഷാഫി പറമ്പില്. അവിടെവെച്ചാണ് ഒരു കൂട്ടം യുവാക്കൾ ഷാഫി പറമ്പിലിനെതിരെ മുദ്രാവാക്യം വിളിച്ചത്. വോട്ടഭ്യർഥിക്കാൻ എത്തുന്നവരോട് ഇങ്ങനെയല്ല പെരുമാറേണ്ടതെന്നാണ് വീഡിയോക്ക് താഴെ പലരും കമൻ്റ് ചെയ്തിരിക്കുന്നത്.