ജീവനുവേണ്ടി പലായനംമണിപ്പൂരിലെ കലാപത്തിന്റെ ഭാഗമായി ജനങ്ങളുടെ പലായനം തുടരുകയാണ്. ക്രിസ്ത്യൻ ആരാധനാലയങ്ങൾ വ്യാപകമായി അക്രമിക്കപ്പെട്ടെന്നും, സ്കൂളുകളും കോളേജുകളും തകർക്കപ്പെട്ടെന്നും ദേശിയ അന്താരാഷ്ട്ര മാധ്യമങ്ങൾ റിപ്പോർട്ട് ചെയ്യുന്നു. ആയിരക്കണക്കിന് ആളുകളാണ് ഇതിനോടകം മണിപ്പൂരിൽ നിന്നും വിവിധ മേഖലകളിലേക്ക് പലായനം ചെയ്തത്. കഴിഞ്ഞ ദിവസം ഇൻഫാലിലെ ബൈബിൾ കോളേജ് തകർത്തതായി റിപ്പോർട്ടുകൾ പുറത്ത് വന്നിട്ടുണ്ട്. മണിപ്പൂരിൽ ഇപ്പോഴും അക്രമങ്ങൾ തുടരുന്നുവെന്നാണ് അനൗദ്യോഗികമായി ലഭിക്കുന്ന വിവരം. ഐകരാഷ്ട്ര സഭയുടെ ഹായ് കമ്മീഷണർ മണിപ്പൂർ വിഷയത്തിൽ അടിയന്തരമായി ഇടപെടണമെന്ന് നിർദേശം നൽകിയിട്ടും പ്രദേശത്ത് സമാധാനം പുനഃസ്ഥാപിക്കാൻ കഴിഞ്ഞില്ലെന്ന് രാഷ്ട്രീയ നിരീക്ഷകർ ചൂണ്ടിക്കാട്ടുന്നു.