VD Satheesan About Budget: ബജറ്റ് രാഷ്ട്രീയ വിമർശനത്തിന്റെ ഡോക്യുമെൻ്റാക്കിയെന്ന് വിഡി സതീശൻധനമന്ത്രി കെഎൻ ബാലഗോപാൽ ഇന്ന് നിയമസഭയിൽ അവതരിപ്പിച്ച ബജറ്റ് യാഥാര്ത്ഥ്യ ബോധമില്ലാത്ത ബജറ്റാണെന്ന് പ്രതിപക്ഷ നേതാവി വിഡി സതീശൻ. ബജറ്റിന്റെ വിശ്വാസ്യതയും പവിത്രതയും നഷ്ടപ്പെടുത്തി. തുടക്കം മുതൽ അവസാനം വരെ പ്രതിപക്ഷത്തിനെ വിമർശിക്കാനുള്ള ഡോക്യുമെന്റായി ബജറ്റിനെ മാറ്റിയെന്നും അദ്ദേഹം പറഞ്ഞു. മൂന്ന് വര്ഷം കൊണ്ട് റബ്ബറിന് കൂട്ടിയത് 10 രൂപ മാത്രമാണ്. ലൈഫ് മിഷന് കഴിഞ്ഞ ബജറ്റില് പ്രഖ്യാപിച്ചതിന്റെ മൂന്ന് ശതമാനം മാത്രമാണ് ചെലവാക്കിയത്. മുന്പ് പ്രഖ്യാപിച്ച പാക്കേജുകളില് ഒരു രൂപ പോലും ചെലവാക്കിയിട്ടില്ല. എന്നിട്ട് വീണ്ടും പണം വകയിരുത്തിയെന്ന് പ്രഖ്യാപിക്കുകയാണെന്നും വിഡി സതീശൻ ആരോപിച്ചു. വാറ്റ് നികുതി കുടിശ്ശിക പിരിക്കുന്നതില് സർക്കാർ പൂര്ണ്ണ പരാജയമാണെന്നും വിഡി സതീശൻ കുറ്റപ്പെടുത്തി. നയാ പൈസ കൈയ്യില് ഇല്ലാതെ ജനങ്ങളെ പറ്റിക്കുന്നതിനുള്ള ബജറ്റാണിതെന്നും വിഡി സതീശന് കുറ്റപ്പെടുത്തി.