രാജ്യത്തെ തകർക്കാൻ പോന്ന ജനന-മരണ നിരക്ക് | Depopulation |
1015 views
വാർത്തകൾ വീഡിയോസ് സബ്സ്ക്രൈബ് ചെയ്യൂആറ്റംബോംബ് ആക്രമണങ്ങളിൽ നിന്ന് മുക്തി നേടി വമ്പൻ സാമ്പത്തിക ശക്തിയായി മാറിയ ജപ്പാനെ ലോകം മുഴുവൻ അത്ഭുതത്തോടെയാണ് കണ്ടത്. പിന്നീട് സാമ്പത്തികമായി വലിയ ഉയർച്ച കൈവരിക്കാൻ ജപ്പാന് സാധിച്ചു. തുടർന്ന് കുറേക്കാലം ജപ്പാന്റെ ജനസംഖ്യ ഗ്രാഫ് ബാലൻസ്ഡ് ആയിരുന്നു. ജനനനിരക്കും മരണനിരക്കും തുല്യമായി വന്നതോടെ ജപ്പാന്റെ സാമ്പത്തിക സ്ഥിതിയെയും ഗുണകരമായി ഇത് സ്വാധീനിച്ചു. എന്നാൽ പിന്നീട് ഉണ്ടായത് ജനസംഖ്യ ശോഷണം ആയിരുന്നു. ഇത് വലിയ മാറ്റങ്ങളാണ് ജപ്പാന്റെ എക്കണോമിയിൽ ഇനി ഉണ്ടാക്കാൻ പോകുന്നത്. ഇപ്പോൾ ജപ്പാനിലെ ആയുർ ദൈർഘ്യം 80 വയസ്സിന് മുകളിലാണ്. യുവതലമുറയുടെ എണ്ണം കുറഞ്ഞുകൊണ്ടിരിക്കുകയാണ്. ഇപ്പോഴുള്ള ജനന മരണ നിരക്ക് നോക്കുമ്പോൾ മരണനിരക്കാണ് കൂടുതലായിട്ടുള്ളത്. ഇത് ജനസംഖ്യ തിരക്കിൽ വലിയ സ്വാധീനമാണ് ചെലുത്തുന്നത്. ജനിക്കുന്നതിനേക്കാൾ കൂടുതൽ മരിക്കുന്ന ആളുകളുടെ എണ്ണം വരുന്നത് വലിയ പ്രശ്നങ്ങളിലേക്കാണ് കൊണ്ടുപോകുന്നത്. ഈ സാഹചര്യത്തിലാണ് ജപ്പാനിൽ സംഭവിക്കാൻ പോകുന്നത് ജനസംഖ്യ അണുബോംബ് ആണെന്ന് പറയപ്പെടുന്നത്. ഈയൊരു സാഹചര്യത്തിലേക്കാണ് ജപ്പാൻ ഇപ്പോൾ സഞ്ചരിച്ചുകൊണ്ടിരിക്കുന്നത്. കോളേജ് പഠനം നടത്തി ജോലി ചെയ്യാൻ തയ്യാറെടുക്കുന്നവരുടെ എണ്ണവും ക്രമാതീതമായി കുറയുന്നത് ജപ്പാന്റെ സമ്പത്ത് വ്യവസ്ഥിതിയിൽ വലിയ സ്വാധീനം ചെലുത്തിയേക്കും എന്നാണ് പഠനങ്ങൾ പറയുന്നത്. പുതുതലമറ കുഞ്ഞുങ്ങൾ വേണ്ട എന്ന് വെക്കുന്നതും വലിയ പ്രതിസന്ധിയാണ് സൃഷ്ടിക്കുന്നത്.