UAE Weather: യുഎഇയിൽ മഴ ശക്തമാകുമെന്ന് കാലാവസ്ഥ കേന്ദ്രം
വാർത്തകൾ വീഡിയോസ് സബ്സ്ക്രൈബ് ചെയ്യൂ
യുഎഇയിൽ മഴ വീണ്ടും ശക്തമാകുമെന്ന് കാലാവസ്ഥ വകുപ്പ്. മാർച്ച് മാസത്തിന്റെ അവസാനത്തോടെ മഴ ശക്തമാകുമെന്നാണ് മുന്നറിയിപ്പിൽ വ്യക്തമാകുന്നത്. അതേസമയം, തീരദേശ പ്രദേശത്ത് നേരിയ തോതിലുള്ള മഴയാണ് പ്രവചിക്കപ്പെടുന്നത്. മഴ വരാൻ സാധ്യതയുള്ള സ്ഥലങ്ങളുടെ മാപ്പ് അധികൃതർ പുറത്തുവിടുകയും ചെയ്തിരുന്നു. തീരപ്രദേശങ്ങളിൽ നേരിയ മഴയാണ് അധികൃതർ അറിയിച്ചിരിക്കുന്നത്. 10 മില്ലീമീറ്ററിനും 40 മില്ലീമീറ്ററിനും ഇടയിൽ ആയിരിക്കും ഈ പ്രദേശങ്ങളിൽ മഴ ലഭിക്കുക. മറ്റു സ്ഥലങ്ങളിൽ മഴ ലഭിക്കുക 50 മില്ലീമീറ്ററിനും 80 മില്ലീമീറ്ററിനും ഇടയിൽ ആണ് മറ്റിടങ്ങളിൽ മഴ ലഭിക്കുകയെന്നാണ് മുന്നറിയിപ്പ്. അബുദാബിയിൽ തീവ്രത കൂടിയ മഴയാണ് പ്രവചിക്കപ്പെട്ടിരിക്കുന്നത്. ദുബായിലും ഷാർജയിലും ശക്തമായ മഴ തന്നെയായിരിക്കും മാർച്ച് അവസാനത്തെ 10 ദിവസം ലഭിക്കുകയെന്ന് ഉദ്യോഗസ്ഥർ അറിയിച്ചു.