കെബി ഗണേഷ് കുമാറിനെതിരെ രൂക്ഷ വിമർശനവുമായി സിഐടിയു. മന്ത്രിയെ നിയന്ത്രിക്കണമെന്നും എൽഡിഎഫിലെ മന്ത്രിയാണെന്ന് ഗണേഷ് കുമാർ ഓർക്കണമെന്നും ഓൾ കേരള ഡ്രൈവിങ് സ്കൂൾ വർക്കേഴ്സ് പ്രസിഡൻ്റ് കെകെ ദിവാകരൻ ആവശ്യപ്പെട്ടു. ആവശ്യമെങ്കിൽ മന്ത്രിയെ വഴിയിൽ തടയുമെന്നും തൊഴിലാളികൾ വിചാരിച്ചാൽ അത് നടക്കുമെന്നും അദ്ദേഹം കൂട്ടിച്ചേർത്തു. ഡ്രൈവിങ് ടെസ്റ്റ് പരിഷ്കരണത്തിനെതിരെ സെക്രട്ടറിയേറ്റിനു മുന്നിൽ നടന്ന പ്രതിഷേധത്തിലാണ് ഗണേഷ് കുമാറിനെതിരെ പരാമർശം നടത്തിയത്.