ടൊവിനോക്കൊപ്പമുള്ള ചിത്രം; വി എസ് സുനില്കുമാറിന് താക്കീതുമായി തിരഞ്ഞെടുപ്പ് കമ്മീഷൻ
1039 views
വാർത്തകൾ വീഡിയോസ് സബ്സ്ക്രൈബ് ചെയ്യൂലോകസഭ സ്ഥാനാർഥി വി എസ് സുനിൽ കുമാറിന് തെരഞ്ഞെടുപ്പ് കമീഷൻ താക്കീത് നൽകി. നടൻ ടോവിനോ തോമസിനൊപ്പമുള്ള ചിത്രം സോഷ്യൽ മീഡിയയിൽ പങ്കുവെച്ച സംഭവത്തിലാണ് തെരഞ്ഞെടുപ്പ് കമീഷൻ താക്കീത് നൽകിയത്. വി എസ് സുനില്കുമാറിന്റേയും സി പി ഐ ജില്ലാ സെക്രട്ടറിയുടേയും വിശദീകരണം കേട്ട ശേഷമാണ് തെരഞ്ഞെടുപ്പ് കമീഷൻ നടപടി സ്വീകരിച്ചത്. ടൊവിനോ തിരഞ്ഞെടുപ്പ് കമ്മിഷന്റെ അംബാസിഡറാണെന്ന് അറിയില്ലായിരുന്നുവെന്നാണ് ഇവർ നൽകിയ വിശദീകരണം. ഇതിനുപിന്നാലെ തിരഞ്ഞെടുപ്പ് കമ്മിഷന് താക്കീത് നല്കി പരാതി അവസാനിപ്പിക്കുകയും ചെയ്തു. അതേസമയം , സുനിൽ കുമാർ പങ്കുവെച്ച ചിത്രം വിവാദമായതിനുപിന്നാലെ തെരഞ്ഞെടുപ്പിൽ തന്റെ ചിത്രം ആരും ഉപയോഗിക്കരുതെന്ന് ആവശ്യപ്പട്ട് ടോവിനോ തോമസ് ഫേസ്ബുക്കിൽ കുറിപ്പിട്ടിരുന്നു. ഇതിനുപിന്നാലെ വി എസ് സുനിൽ കുമാർ ചിത്രം പിൻവലിക്കുകയും ചെയ്തു.