Taiwan Earthquake: തായ്വാനിൽ ശക്തമായ ഭൂചലനം; 7.4 തീവ്രത രേഖപ്പെടുത്തി; സുനാമി മുന്നറിയിപ്പ്
വാർത്തകൾ വീഡിയോസ് സബ്സ്ക്രൈബ് ചെയ്യൂ
തായ്വാനിൽ ശക്തമായ ഭൂചലനം. ബുധനാഴ്ച രാവിലെ പ്രാദേശിക സമയം എട്ടുമണിയോടെയാണ് തായ്വാൻ തലസ്ഥാനമായ തായ്പേയിലാണ് ഭൂചലനം ഉണ്ടായത്. റിക്ടർ സ്കെയിലിൽ 7.4 തീവ്രതയാണ് രേഖപ്പെടുത്തിയത്. ഭൂചലനം ഉണ്ടായ സാഹചര്യത്തിൽ തായ്വാനിൽ ജപ്പാൻ കാലാവസ്ഥ ഏജൻസി സുനാമി മുന്നറിയിപ്പും നൽകി. കൂടാതെ, ജപ്പാൻ്റെ തെക്കൻ മേഖലയിലും ഫിലിപ്പീൻസിലും സുനാമി മുന്നറിയിപ്പ് നൽകിയിട്ടുണ്ട്. മൂന്നു മീറ്റർ ഉയരത്തിൽ വരെ സൂനാമി തിരകൾ എത്തിയേക്കുമെന്നാണ് ജപ്പാൻ കാലാവസ്ഥ അധികൃതർ നിർദേശത്തിൽ വ്യക്തമാക്കിയിട്ടുള്ളത്. കഴിഞ്ഞ 25 വർഷത്തിനിടെ ദ്വീപിൽ ഉണ്ടായ ഏറ്റവും ശക്തമായ ഭൂചലമാണ് ഇതെന്ന് സീസ്മോളജി സെന്റർ അറിയിച്ചു. ഹൗളിയൻ സിറ്റിയിൽ നിന്നും 18 കിലോമീറ്റർ തെക്കു മാറി 34.8 കിലോമീറ്റർ ആഴത്തിലാണ് ഭൂചലനത്തിന്റെ പ്രഭവ കേന്ദ്രമെന്ന് യുണൈറ്റഡ് സ്റ്റേറ്റ്സ് ജിയോളജിക്കൽ സർവേ അറിയിച്ചു.