1500 ദിർഹത്തിൽ താഴെയാണോ ശമ്പളം; താമസ സൗകര്യം ജോലി ചെയ്യുന്ന സ്ഥാപനം നൽകണമെന്ന് യുഎഇ |minimum salary in uae
1084 views
വാർത്തകൾ വീഡിയോസ് സബ്സ്ക്രൈബ് ചെയ്യൂ500 ദിർഹത്തിൽ താഴെ ശമ്പളമുള്ള തൊഴിലാളികൾക്ക് കമ്പനി സുരക്ഷിതമായ താമസസ്ഥലം ഒരുക്കണമെന്നാണ് യുഎഇ മാനവശേഷി സ്വദേശിവൽക്കരണ മന്ത്രാലയം പുറത്തിറക്കിയ അറിയിപ്പിൽ പറയുന്നത്. അമ്പതോ അതിൽ കൂടുതലോ തൊഴിലാളികൾ ഉള്ള കമ്പനികളും നിർബന്ധമായും ജീവനക്കാർക്ക് താമസിക്കാനുള്ള സൗകര്യം ഒരുക്കണം. ജോലിസ്ഥലത്തും താമസസ്ഥലത്തും ഉണ്ടാകുന്ന അപകടങ്ങളിൽ നിന്ന് തൊഴിലാളികൾക്ക് സുരക്ഷ നൽകുന്ന തരത്തിലായിരിക്കണം സൗകര്യങ്ങൾ ഒരുക്കിയിരിക്കുന്നത്. തൊഴിലിന്റെ അപകടസാധ്യതകളും അവയിൽനിന്ന് രക്ഷപ്പെടാനുള്ള മാർഗങ്ങളും ജോലി സ്വീകരിക്കുന്നതിന് മുമ്പ് തന്നെ പറഞ്ഞു മനസിലാക്കണം. തൊഴിലാളികളുടെ താമസകേന്ദ്രങ്ങൾ രജിസ്റ്റർ ചെയ്യണം. മന്ത്രാലയത്തിന്റെ വെബ്സൈറ്റിൽ ആണ് ഇത് രജിസ്റ്റർ ചെയ്യേണ്ടത്. അധികൃതർ പരിശോധന നടത്തി സൗകര്യങ്ങൾ വിലയിരുത്തും. ജോലിസ്ഥലങ്ങളിലും, താമസസ്ഥലങ്ങളിലും ഫസ്റ്റ് എയ്ഡ് ബോക്സ് ഉണ്ടായിരിക്കണം. അത്യാവശ്യ മരുന്നുകൾ ഇതിൽ ഉണ്ടായിരിക്കണം.