ആരോഗ്യപ്രവർത്തകർക്ക് സാമൂഹമാധ്യമങ്ങളിൽ പോസ്റ്റുകൾ വേണ്ട; വിലക്കേർപ്പെടുത്തി ആരോഗ്യ വകുപ്പ്
1040 views
വാർത്തകൾ വീഡിയോസ് സബ്സ്ക്രൈബ് ചെയ്യൂആരോഗ്യവകുപ്പിന് കീഴിലുള്ള സർക്കാർ ജീവനക്കാർക്ക് സാമൂഹമാധ്യമങ്ങളിൽ പോസ്റ്റുകൾ ഇടുന്നതിന് വിലക്ക്. ആരോഗ്യ വകുപ്പ് ഡയറക്ടറാണ് വിലക്ക് ഏർപ്പെടുത്തി ഉത്തരവിറക്കിയത്. മാർച്ച് 13നാണ് ഇത് സംബന്ധിച്ച് ഉത്തരവ് ഇറക്കിയത്. കൂടാതെ ഇതിനെതിരെ ഉത്തരവ് അധികാര ദുർവിനിയോഗമാണെന്ന് ഒരു വിഭാഗം ജീവനക്കാർ ആരോപിച്ചു. പെരുമാറ്റ ചട്ടങ്ങൾക്ക് വിരുദ്ധമാകാതെയും ഔദ്യോഗിക കൃത്യനിർവഹണത്തിനു തടസ്സം സൃഷ്ടിക്കാതെയും സാമൂഹമാധ്യമങ്ങളിൽ പോസ്റ്റുകൾ ഇടുന്നതിനു സർക്കാർ ഉദ്യോഗസ്ഥർക്ക് അനുമതി നൽകിയാൽ ചട്ടലംഘനങ്ങൾ ഉണ്ടാകുന്നതിനുള്ള സാധ്യത കൂടുതലാണ് എന്നാണ് ഉത്തരവിൽ ആരോഗ്യ വകുപ്പ് ഡയറക്ടർ വ്യക്തമാക്കിയത്. യൂട്യൂബ്, ഇൻസ്റ്റഗ്രാം, ഫേസ്ബുക് ഉൾപ്പെടെയുള്ള സമൂഹമാധ്യമങ്ങളിൽ ആരോഗ്യപ്രവർത്തകർ ചാനൽ തുടങ്ങിയാൽ നിശ്ചിത എണ്ണത്തിൽ കൂടുതൽ സബ്സ്ക്രൈബേഴ്സ് എത്തുകയും വീഡിയോകൾ കൂടുതൽ ആളുകൾ കാണുകയും ചെയ്താൽ പരസ്യ വരുമാനം ഉൾപ്പെടെ സാമ്പത്തിക നേട്ടം ലഭിക്കുമെന്നും ഇത് 1960 ലെ കേരള സർക്കാർ ജീവനക്കാരുടെ പെരുമാറ്റ ചട്ടങ്ങളിലെ, ചട്ടം 48 ലെ വ്യവസ്ഥകൾക്ക് വിരുദ്ധമാണെന്നും ഉത്തരവിൽ വ്യകതമാക്കി.