ആശങ്കയിൽ ചേനപ്പാടിക്കാർ സംഭവിക്കുന്നത് എന്ത്?
1067 views
വാർത്തകൾ വീഡിയോസ് സബ്സ്ക്രൈബ് ചെയ്യൂഭൂമിക്കടിയിൽനിന്ന് തോട്ട പൊട്ടുന്ന പോലെ ശബ്ദം, ചിലയിടത്ത് മുഴക്കം. കോട്ടയം ജില്ലയിലെ എരുമേലി പഞ്ചായത്തിൽ ഉൾപ്പെടുന്ന ചേനപ്പാടി എന്ന ഗ്രാമം ആശങ്കയിലാണ്. കഴിഞ്ഞ തിങ്കളാഴ്ച മുതൽ പ്രദേശത്ത് ഭൂമിക്കടിയിൽനിന്ന് മുഴക്കം അനുഭവപ്പെടുകയാണ്. നാട്ടുകാരിൽ ചിലർ കേട്ടത് മുഴക്കമാണെങ്കിൽ, മറ്റു ചിലർ കേട്ടത് തോട്ട പൊട്ടുന്ന പോലുള്ള ശബ്ദം. ചില വീടുകളിൽ പാത്രങ്ങൾക്കടക്കം അനക്കം ഉണ്ടായെന്നും നാട്ടുകാർ പറയുന്നു. പ്രദേശത്ത് ജിയോളജി വകുപ്പ് അധികൃതർ പരിശോധന നടത്തിയെങ്കിലും സ്വാഭാവിക പ്രതിഭാസമാണെന്നാണ് വിശദീകരണം. എന്നാൽ തുടർച്ചയായി മുഴക്കം അനുഭവപ്പെടുന്നതോടെ ചേനപ്പാടിക്കാർ ആശങ്കയിലാണ്. ഈ ആശങ്ക അകലാൻ വിദഗ്ധ സംഘമെത്തി പരിശോധന നടത്തണമെന്നാണ് ഇവരുടെ ആവശ്യം.