Urvashi Rautela: ബോളിവുഡ് താരം ഉർവശി റൗട്ടേലയും രാഷ്ട്രീയത്തിലേക്ക്; അവസരം ലഭിച്ചെന്ന് നടി
ബോളിവുഡ് നടി ഉർവശി റൗട്ടേല രാഷ്ട്രീയത്തിലേക്കെന്ന് സൂചനകൾ. തിരഞ്ഞെടുപ്പിൽ മത്സരിക്കാൻ അവസരം ലഭിച്ചുവെന്നുമാണ് നടിയുടെ വെളിപ്പെടുത്തൽ. ഒരു ബോളിവുഡ് മാധ്യമത്തിന് നൽകിയ അഭിമുഖത്തിലാണ് താരം ഇക്കാര്യം അറിയിച്ചത്. ഇനി ആരാധകരുടെ അഭിപ്രായമറിയണമെന്നും താരം പറഞ്ഞു. താൻ ആരംഭിച്ച ഫൗണ്ടേഷൻ വഴി രാജ്യത്ത് മാറ്റങ്ങൾ കൊണ്ടുവരാനുള്ള പ്രവർത്തനങ്ങൾ ഇതിനോടകം ആരംഭിച്ചെന്ന് ഉർവശി പറഞ്ഞു. ഒരവസരം ലഭിച്ചാൽ രാജ്യത്തിന്റെ ഉന്നമനത്തിനായി പ്രവർത്തിക്കുമെന്നും ഉർവശി റൗട്ടേല വ്യക്തമാക്കി.