Bharat nyay yatra: വല്ല്യേട്ടൻ കളിച്ചു കോൺഗ്രസിന് പാളിഭാരത് ന്യായ് യാത്ര പുരോഗമിക്കുമ്പോൾ കോൺഗ്രസ് നേതാക്കളിൽ തന്നെ ഒരു ആശങ്ക. ഈ യാത്ര കൊണ്ട് പ്രയോജനം ഉണ്ടോ? യാത്ര പകുതിയിൽ നിർത്തണോ? ഇങ്ങനെയൊരു ചിന്ത കോൺഗ്രസ് നേതാക്കളിൽ ഉടലെടുത്തിട്ടുണ്ട് എന്ന വാർത്തകളെ അങ്ങനെ തളളികളയാൻ കഴിയുന്ന സാഹചര്യത്തുലൂടെയല്ല ന്യായ് യാത്രയുടെ പോക്ക്. ഭാരത് ജോഡോ യാത്ര വമ്പൻ ഹിറ്റാണെന്ന് പ്രതീക്ഷിച്ച കോൺഗ്രസിന് ഇരുട്ടടി സമ്മാനിച്ചാണ് ലോകസഭ തിരഞ്ഞെടുപ്പിന്റെ സെമി ഫെെൻ എന്ന് കണക്കാക്കിയ നാല് സംസ്ഥാനങ്ങളിലെ നിയമസഭാ തിരഞ്ഞെടുപ്പ് ഫലം പുറത്ത് വന്നത്. മൂന്ന് സംസ്ഥാനങ്ങളിലും വിജയം ഉറപ്പിച്ച് ബിജെപി കരുത്തുകാട്ടി. തെലുങ്കാന കൊണ്ടുമാത്രം കോൺഗ്രസിന് തൃപ്തിപെടെണ്ടി വന്നു. ഭാരത് ജോഡോ യാത്രയ്ക്ക് പുറമെ ഇന്ത്യയെന്ന പ്രതിപക്ഷ സഖ്യമുണ്ടാക്കിയിട്ടും ചലനങ്ങൾ ഒന്നുമുണ്ടായില്ല. മണിപ്പൂരിലാണ് യാത്ര ആരംഭിച്ചതെങ്കിലും ലക്ഷ്യം ബംഗാളിൽ നിന്ന് മമ്മതയെയും പഞ്ചാബിൽ ആം ആദ്മിയെയും ബിഹാറിൽ ആർജെഡിയെയും ഉത്തർപ്രദേശിൽ നിന്ന് അഖിലേഷ് യാദവിനെയും കൂടെ നിർത്തി ഇന്ത്യൻ സഖ്യത്തെ ബലപ്പെടുത്തുകയായിരുന്നു. എന്നാൽ അത് സാധ്യമായില്ല.