Pathanamthitta: ആൻ്റോ ആൻ്റണിയെ അജയ്യനാക്കി പത്തനംതിട്ട; മണ്ഡലത്തിൻ്റെ പ്രത്യേകതകൾ
1054 views
വാർത്തകൾ വീഡിയോസ് സബ്സ്ക്രൈബ് ചെയ്യൂഎംഎൽഎമാർ എല്ലാം എൽഡിഎഫ്. മന്ത്രിയുണ്ട്, ഡെപ്യൂട്ടി സ്പീക്കറുണ്ട്. പക്ഷേ എംപി വർഷങ്ങളായി യുഡിഎഫ്. പത്തനംതിട്ട ലോക്സഭ മണ്ഡലം ഇത്തരത്തിൽ വ്യത്യസ്തമാണ്. 2008ൽ രൂപീകൃതമായ ലോക്സഭ മണ്ഡലമാണ് പത്തനംതിട്ട. പത്തനംതിട്ട ജില്ലയിലെ തിരുവല്ല, റാന്നി, ആറന്മുള, കോന്നി, അടൂർ എന്നീ നിയമസഭ മണ്ഡലങ്ങളും കോട്ടയം ജില്ലയിലെ കാഞ്ഞിരപ്പള്ളി, പൂഞ്ഞാർ എന്നീ നിയമസഭാ മണ്ഡലങ്ങളും ഉൾപ്പെടുന്നതാണ് മണ്ഡലം. മണ്ഡലം രൂപീകൃതമായതുമുതൽ കോൺഗ്രസ് നേതാവ് ആൻ്റോ ആൻ്റണിയാണ് എംപി. മണ്ഡലത്തിലെ എംഎൽഎമാർ എല്ലാം എൽഡിഎഫാണെങ്കിലും തുടർച്ചയായി യുഡിഎഫിന് പിന്തുണ നൽകുന്ന മണ്ഡലം എന്നതാണ് പത്തനംതിട്ടയുടെ പ്രത്യേകത.ഒരു പത്തനംതിട്ട സ്വദേശി ഇതുവരെ വിജയിച്ചിട്ടില്ല എന്നതും മണ്ഡലത്തിൻ്റെ പ്രത്യേകതയാണ്. കോട്ടയം മൂന്നിലവ് സ്വദേശിയായ ആൻ്റോ ആൻ്റണിയാണ് 2009 മുതൽ മണ്ഡലത്തെ ലോക്സഭയിൽ പ്രതിനിധീകരിക്കുന്നത്. ആൻ്റോയ്ക്കെതിരെ ഇടതുമുന്നണി പത്തനംതിട്ട സ്വദേശികളായ കെ അനന്തഗോപൻ, പീലിപ്പോസ് തോമസ്, വീണ ജോർജ് എന്നിവരെ മത്സരിപ്പിച്ചെങ്കിലും വിജയിച്ചിട്ടില്ല.