GST On Paying Guset: ഹോസ്റ്റലിനും പിജിയ്ക്കും ഇനി ചാർജ് കൂടുംഇനിമുതൽ ഹോസ്റ്റൽ താമസത്തിനും, പേയിംഗ് ഗസ്റ്റുകൾക്കും 12 ശതമാനം ജിഎസ്ടി ബാധകമാകും. കർണാടക അഡ്വാൻസ് റൂളിംഗ് ആണ് ഇതു സംബന്ധിച്ച ഓർഡർ പുറത്തിറക്കിയത്. കർണാടകയ്ക്കു പുറമേ ഉത്തർപ്രദേശ് അതോരിറ്റി ഓഫ് അഡ്വാൻസ് റൂളിംഗ് സമാന വിധി പുറപ്പെടുവിച്ചിട്ടുണ്ട്. ഹോസ്റ്റൽ താമസം, പേയിംഗ് ഗസ്റ്റ് താമസം എന്നിവയെ 'നോൺ റസിഡൻഷ്യൽ' എന്ന കാറ്റഗറിയിലാണ് രണ്ട് വ്യത്യസ്ത വിധികളിലും ഉൾപ്പെടുത്തിയിട്ടുള്ളത്. ഇതുപ്രകാരം ഉപയോക്താക്കൾ 12 ശതമാനം നികുതി അടയ്ക്കാൻ ബാധ്യസ്ഥരാണ്. ഹോസ്റ്റലുകളെ റെസിഡൻഷ്യൽ ഹൗസിംഗ് യൂണിറ്റുകളായി കണക്കാക്കുന്നില്ലെന്നും, അതിനാൽ ജിഎസ്ടിയിൽ നിന്ന് ഒഴിവാക്കാൻ സാധിക്കില്ലെന്നും ബംഗളൂരു ബെഞ്ച് വ്യക്തമാക്കി. അതേസമയം റൂളിംഗ് വിദ്യാർത്ഥികളെ നേരിട്ടു ബാധിക്കുന്നതിനാൽ അടുത്ത ജിഎസ്ടി കൗൺസിലിൽ വിഷയം ചർച്ചയായേക്കുമെന്നാണ് വിലയിരുത്തൽ.