വയനാട്ടിൽ വീണ്ടും കടുവ
1010 views
വയനാട് വീഡിയോസ് സബ്സ്ക്രൈബ് ചെയ്യൂവയനാട് ജില്ല വീണ്ടും കടുവ ഭീതിയിൽ. വയനാട്ടിലെ പുൽപ്പള്ളി മേഖലയിലാണ് കടുവയുടെ സാന്നിധ്യം ഉറപ്പിച്ചിരിക്കുന്നത്. പഴശ്ശിരാജാ കോളേജിന് സമീപം കരിങ്കുറ്റികവലയിലാണ് കഴിഞ്ഞ ദിവസം കടുവയെത്തിയത്. ഇവിടുത്തെ സ്ഥിരതാമസക്കാരനായ ചേപ്പില ശങ്കരമംഗലം നന്ദനന്റെ പശുക്കിടാവിനെ കടുവ പിടികൂടി. രാത്രി തൊഴുത്തിന് സമീപം കെട്ടിയിരുന്ന പശുക്കിടാവിനെയാണ് കടുവ പിടിച്ചത്. പശുക്കുട്ടിയുടെ കരച്ചിൽ കേട്ട് ഉണർന്ന വീട്ടുകാർ കാണുന്നത് കടുവ അക്രമിക്കുന്നതാണ്. പടക്കം പൊട്ടിച്ചും, ബഹളം വെച്ചും ആളെ കൂടിയതോടെ കടുവ പശുക്കുട്ടിയെ ഉപേക്ഷിച്ച് കാട്ടിലേക്ക് മറഞ്ഞു. രണ്ടാഴ്ച്ച മുൻപും പ്രദേശവാസിയായ മറ്റൊരാളുടെ പശുക്കിടാവിനെ കടുവ പിടിച്ചിരുന്നു. കടുവ ഭീതി രൂക്ഷമായതോടെ നാട്ടുകാരും ഭീതിയിലാണ്. വനംവകുപ്പ് അധികൃതർ എത്തി കൂടുകൾ സ്ഥാപിച്ചെങ്കിലും കടുവയെ പിടികൂടണമെന്നാണ് നാട്ടുകാരുടെ ആവശ്യം.