150 രൂപയിൽ നിന്ന് 12847 രൂപ ; കെ.എസ്.ഇ.ബിയുടെ ഇരുട്ടടി
ആദിവാസി കുടുംബത്തിന് ഇരുട്ടടി നൽകി കെഎസ്ഇബി. 150 രൂപക്കുള്ളിൽ മാത്രം കെഎസ്ഇബി ബില്ല് വരുന്നിടത് ഇപ്പോള് വന്നത് 12847 രൂപ. ഇതോടെ ബില്ല് അടക്കാൻ നിവർത്തിയില്ലാതെ ഇരുട്ടിലായിരിക്കുകയാണ് നെന്മേനി പഞ്ചായത്തിന്റെ ഏഴാവാർഡിൽപ്പെട്ട തവനി കോളനിയിലെ ബിജുമോന്റെ കുടുംബം. പണംമടക്കാൻ കഴിയാത്തതിനാൽ കണക്ഷൻ വിച്ഛേദിച്ചിരിക്കുകയാണിപ്പോൾ. കൂലിപ്പണിക്കായി ബിജുമോൻ വീടുവിട്ട് അകലെയാണ്. വൈദ്യുതി ഇല്ലാത്ത വീട്ടിൽ ബിജുവിന്റെ ഭാര്യയും മകനും താമസിക്കാൻ കഴിയാതെ വന്നതോടെ ബന്ധുവീട്ടിൽ അഭയം തേടിയിരിക്കുകയാണ് നിലവിൽ. കോളനിയിലെ മറ്റു വീടുകൾ നവീകരിക്കുന്ന സമയത്ത് ടൈൽസ് മുറിക്കാനും മറ്റും കരാറുകാരൻ ബിജുമോന്റെ വീട്ടിൽ നിന്ന് വൈദ്യുതി എടുത്തിരുന്നതായി ഭാര്യയും അയൽവാസിയും ആരോപിച്ചു. ബിജുമോൻ വീട്ടിലില്ലാത്ത സമയത്തായിരുന്നു ഇത് ചെയ്തിരുന്നത്. കരാറുകാരനോടും പഞ്ചായത്ത് അംഗത്തോടുമൊക്കെ ഇക്കാര്യം കുടുംബം സൂചിപ്പിച്ചിരുന്നു. എന്നാൽ ഫലപ്രദമായ അന്വേഷണം നടത്താൻ പഞ്ചായത്തോ കെ.എസ്.ഇ.ബിയോ തയ്യാറായില്ലെന്ന് ബിജുമോന്റെ ഭാര്യ പറഞ്ഞു.wayanadTimesXP MalayalamUpdated: 30 Apr 2023, 10:40 pm