Tiger Attacks: കടുവകളെ ഭയന്ന് പുറത്തിറങ്ങാന് സാധിക്കുന്നില്ല; പരാതിയുമായി പനവല്ലി പ്രദേശവാസികൾ
1002 views
വയനാട് വീഡിയോസ് സബ്സ്ക്രൈബ് ചെയ്യൂവയനാട്ടിലെ പനവല്ലി മേഖലയിൽ നാലിലധികം കടുവകൾ ഇറങ്ങിയിട്ടുണ്ടെന്ന് നാട്ടുകാര്‍. ഏത് സമയത്തുവേണമെങ്കിലും വീട്ടുമുറ്റത്തെത്തി അക്രമിച്ചേക്കാമെന്ന ഭീതിയിലാണ് തങ്ങൾ കഴിയുന്നതെന്നും പനവല്ലി പ്രദേശവാസികൾ പറഞ്ഞു. പനവല്ലി, സര്‍വാണി, ആദണ്ട തുടങ്ങിയ സ്ഥലങ്ങളിലാണ് കടുവ ശല്യം രൂക്ഷമായിരിക്കുന്നത്. രാത്രിയില്‍ ആദണ്ട റോഡില്‍ അമ്പുകണ്ടി കടയുടെ സമീപത്തും കോമത്ത് സുരേഷിന്‍റെ വീടിനുമുന്നിലും കൊച്ചുകുടിയില്‍മണിയുടെ വീട്ടുമുറ്റത്തും കടുവയെത്തി. നേരമിരുട്ടിയാല്‍ കടുവയെ ഭയന്ന് പുറത്തിറങ്ങാന് പോലുമാകാത്ത അവസ്ഥയിലാണ് തങ്ങളെന്ന് പനവല്ലിക്കാര്‍ പറയുന്നു. പ്രദേശത്ത് റോന്ത് ചുറ്റുന്ന വനപാലകര്‍ ഏറെയുണ്ടെങ്കിലും കടുവകളെ കണ്ടെത്താനായില്ല. ഞായറാഴ്ച പുലര്‍ച്ചെ പനവല്ലി സ്‌കൂളിനുസമീപത്തെ തലമലക്കുന്ന് സരസുവിന്‍റെ വീട്ടില്‍ കെട്ടിയിട്ട വളര്‍ത്തുനായയെ കടുവ പിടികൂടിയതോടെയാണ് ഈ ഭാഗത്തെ ജനങ്ങളില്‍ ഭീതി വര്‍ധിച്ചത്. നായയുടെ കരച്ചില്‍കേട്ട് വീട്ടുകാര്‍ പുറത്തിറങ്ങിയപ്പോഴാണ് കടുവ നായയെ കടിച്ചുകൊണ്ടുപോകുന്നത് കണ്ടത്. ജനങ്ങൾ പ്രതിഷേധം തുടങ്ങിയതോടെ സര്‍വസന്നാഹങ്ങളും രണ്ട് കൂടുമായി കടുവയെ പിടിക്കാൻ വനപാലകർ ശ്രമിക്കുന്നുണ്ടെങ്കിലും കടുവ കൂടുകളുടെ പരിസരത്തേക്ക് എത്തുന്നില്ല. പനവല്ലിയിലും സമീപപ്രദേശങ്ങളിലുമായി കടുവയുടെ സാന്നിധ്യം സ്ഥിരീകരിച്ച സാഹചര്യത്തില്‍ കഴിഞ്ഞ ഒന്നിന് പനവല്ലി - സര്‍വാണി - തിരുനെല്ലി റോഡരികിലെ കാല്‍വരി എസ്റ്റേറ്റില്‍ കൂട് സ്ഥാപിച്ചിരുന്നു. ഒന്നിലധികം കടുവകളുടെ സാന്നിധ്യം സ്ഥിരീകരിച്ച സാഹചര്യത്തില്‍ കഴിഞ്ഞദിവസം ആദണ്ടയിലും കടുവയ്ക്കായി കൂടുവെച്ചിട്ടുണ്ട്. വളര്‍ത്തുനായകളെയാണ് കടുവ പ്രധാനമായി ലക്ഷ്യമിടുന്നതെന്നതിനാല്‍ കഴിഞ്ഞദിവസം കൂട് സ്ഥാപിച്ചത് ആദണ്ടയിലെ വീടിനോടുചേര്‍ന്നാണ്.
അനുബന്ധ വീഡിയോ
Kuruva Island: ഇക്കോ ടൂറിസം കേന്ദ്രമായ കുറുവ ദ്വീപ് ബാംബൂ റാഫ്റ്റിങിന് ഒരുങ്ങുന്നുവയനാട്
കേരളം വിടാന് മനസ് അനുവദിക്കുന്നില്ല; വിരമിച്ചിട്ടും ഈ നേപ്പാളുകാരന് പൂക്കോട് തടാകക്കരയില് നില്പ്പാണ്വയനാട്
മാവോയിസ്റ്റ് തണ്ടര്ബോള്ട്ട് ഏറ്റുമുട്ടല്; വെടിയൊച്ച കേട്ടത് 9 തവണവയനാട്
Lok Sabha Election 2024: അമ്മമാര് വോട്ട് ചെയ്യാന് കാത്തുനില്ക്കുമ്പോള് ആഘോഷ തിമിര്പ്പില് കുരുന്നുകള്; വനാതിര്ത്തികളിലെ വേറിട്ട വോട്ടുകാഴ്ച്ചകള്വയനാട്
ഈ പോളിംഗ് സ്റ്റേഷനും ചെട്ടിയാലത്തൂര് ഗ്രാമവും ഓര്മ്മകളിലേക്ക് ചേക്കേറുമോ?വയനാട്
ജാതി, മതം നോക്കി ബിജെപി തരം തിരിക്കാറില്ല; എല്ലാവരുടേയും ക്ഷേമമാണ് മോദി സർക്കാരിൻ്റെ ലക്ഷ്യമെന്ന് അണ്ണാമലൈവയനാട്
വയനാട്ടിൽ ആവേശമായി കൊട്ടിക്കലാശം; പ്രതീക്ഷയിൽ മുന്നണികൾവയനാട്
പ്രചരണത്തിന്റെ അവസാനലാപ്പില് ആവേശമായി പ്രിയങ്കാ ഗാന്ധിയെത്തിവയനാട്
JP Nadda Road Show: നടപ്പാക്കുന്നത് കുടുംബ രാഷ്ട്രീയം; ദേശവിരുദ്ധരുമായാണ് രാഹുലും പാർട്ടിയും സഖ്യം ചേരുന്നതെന്നും ജെപി നദ്ദവയനാട്
Lok Sabha Election 2024: ഇടതുപക്ഷത്തിന് വോട്ട് ചെയ്യുന്നത് ബിജെപിയെ സഹായിക്കുന്നതിന് തുല്ല്യം: ഡികെ ശിവകുമാർവയനാട്
Rahul Gandhi Road Show: രാഹുൽ ഗാന്ധിയുടെ ആയിരങ്ങൾ അണിനിരന്ന റോഡ് ഷോ, ആവേശത്തിൽ പ്രവർത്തകർവയനാട്