Sultan Bathery Traffic: ബത്തേരി നഗരത്തിൽ ഗതാഗതകുരുക്ക് രൂക്ഷം
വയനാട് വീഡിയോസ് സബ്സ്ക്രൈബ് ചെയ്യൂ
Sultan Bathery Traffic സുൽത്താൻ ബത്തേരി നഗരത്തിൽ ഗതാഗതകുരുക്ക് രൂക്ഷമാകുന്നു. ഈ സാഹചര്യത്തിലും വാഹനങ്ങളെ വഴിതിരിച്ചുവിടാൻ നിർമിച്ച മിനി ബൈപ്പാസ് തകർച്ചയുടെ പാതയിലാണ് തുടരുന്നത്. പുതിയ കുഴികൾ രൂപപ്പെട്ടും നിലവിലുള്ള കുഴികൾ കൂടുതൽ വലുതായും വാഹങ്ങൾക്ക് കടന്നുപോകാൻ കഴിയാതെ വന്നിരിക്കുകയാണ്. ദേശീയപാത 766 കടന്നുപോകുന്ന നഗരത്തിൽ ഗതാഗതകുരുക്ക് കുറയ്ക്കുന്നതിന്റെ ഭാഗമായാണ് അധികൃതർ ബൈപ്പാസ് നിർമിച്ചത്. രാജിവ് ഗാന്ധിയുടെ പേരിലാണ് മിനി ബൈപ്പാസ് യാഥാർഥ്യമാക്കിയത്. എന്നാൽ പലയിടത്തും വീതി കുറഞ്ഞ് വലിയ വാഹനങ്ങൾക്ക് യാത്ര ചെയ്യാൻ കഴിയാത്തതായി മാറുകയായിരുന്നു ഈ റോഡ്. വലിയ കുഴികൾ കൂടി രൂപപ്പെട്ടതോടെ കാറുകളും മിനിപിക്കപ്പുകളുമെല്ലാം ഇതുവഴി കടന്നുപോകാൻ ബുദ്ധിമുട്ടുകയാണ്.