Wayanad Tiger Attack: കൂടുവെച്ചിട്ടും രക്ഷയില്ല; വയനാട്ടിൽ കടുവ ആടിനെ കൊലപ്പെടുത്തി
1012 views
വയനാട് വീഡിയോസ് സബ്സ്ക്രൈബ് ചെയ്യൂവാകേരിക്ക് അടുത്ത് വീണ്ടും കടുവയുടെ ആക്രമണം. മീനങ്ങാടി പഞ്ചായത്തിലെ സി.സി താഴെ അരിവയൽ എന്ന പ്രദേശത്തെ വർഗീസ് എന്ന കർഷകന്റെ ആടിനെയാണ് കടുവ ആക്രമിച്ചത്. ഇന്നലെ രാത്രിയാണ് സംഭവം. ആടുകളുടെ കരച്ചിൽ കേട്ട് പുറത്തിറങ്ങിയ വർഗീസും വീട്ടുകാരും കൂട്ടിൽ നിന്ന് കടുവ ഓടിപ്പോകുന്നത് കാണുകയും ചെയ്തു. പിന്നാലെ വനം വകുപ്പ് സ്ഥലത്തെത്തി പരിശോധന ആരംഭിച്ചു. കഴിഞ്ഞ ദിവസം വാകേരിയിൽ പശുവിനെ ആക്രമിച്ചതും ഇന്നലെ രാത്രി താഴെ അരിവയലിൽ എത്തിയതും ഒരു കടുവ തന്നെയാണെന്ന നിഗമനത്തിലാണ് വനം വകുപ്പ് ഉദ്യോഗസ്ഥർ. അതേ സമയം ജനവാസമേഖലയിലിറങ്ങി ഭീതിവിതയ്ക്കുന്ന കടുവയെ പിടികൂടാനുള്ള വനംവകുപ്പിന്റെ ശ്രമങ്ങൾ പരാജയപ്പെടുകയാണെന്ന നാട്ടുകാർ വിമർശനം ഉന്നയിച്ചു. പശുക്കിടാവിനെ കൊന്നുതിന്ന കടുവയെ പിടികൂടാൻ തിങ്കളാഴ്ച സി.സി.യിലെ തോട്ടത്തിൽ കൂട് സ്ഥാപിച്ചിട്ടുണ്ട്.