വയനാട് തുരങ്കപാത നടപ്പാക്കുന്നതിൽ കടമ്പകളേറെ |Anakamppoil-Meppadi Tunnel|
1015 views
വയനാട് വീഡിയോസ് സബ്സ്ക്രൈബ് ചെയ്യൂആനക്കാംപൊയിൽ- മേപ്പാടി തുരങ്കപാത പദ്ധതിക്കെതിരെ പശ്ചിമഘട്ട സംരക്ഷണ സമിതി. കോഴിക്കോട്- വയനാട് ജില്ലകളെ ബന്ധിപ്പിക്കുന്ന തുരങ്കപാത പ്രവർത്തനങ്ങൾ അടിയന്തരമായി നിർത്തിവെക്കണമെന്ന ആവശ്യവുമായാണ് പശ്ചിമഘട്ട സംരക്ഷണ സമിതി രംഗത്തെത്തിയത്. ദേശീയ ദുരന്തനിവാരണ അതോറിറ്റിയെ സമീപിക്കാൻ ആണ് സമിതിയുടെ തീരുമാനം. തുരങ്കപാതയുമായി ബന്ധപ്പെട്ടുള്ള സർക്കാർ നീക്കം നിമയവിരുദ്ധമാണെന്നും സമിതി നേതാക്കൾ ആരോപിച്ചു. വയനാട്ടിലേക്കുള്ള യാത്ര സുഗമമാക്കുന്നതിനെന്ന പേരിൽ നടപ്പാക്കാൻ ഉദ്ദേശിക്കുന്ന ആനക്കാംപൊയിൽ-മേപ്പാടി റോഡ് പദ്ധതിയിലാണ് കോഴിക്കോട് കോടഞ്ചേരി പഞ്ചായത്തിലെ സ്വർഗംകുന്ന് മുതൽ മേപ്പാടി പഞ്ചായത്തിലെ കള്ളാടി വരെ നീളുന്ന തുരങ്കപാത ഉൾപ്പെട്ടിട്ടുള്ളത്. സമുദ്രനിരപ്പിൽ നിന്ന് വ്യത്യസ്ത ഉയരത്തിൽ സ്ഥിതി ചെയ്യുന്ന ഈ പ്രദേശങ്ങളെ ഏത് വിധത്തിൽ ബന്ധപ്പെടുത്തുമെന്ന കാര്യം പഠിക്കാതെയാണ് പദ്ധതിയുമായി സർക്കാർ മുന്നോട്ട് പോകുന്നത് എന്നും സമിതി കുറ്റപ്പെടുത്തി. മേപ്പാടി പ്രദേശം നിലകൊള്ളുന്നത് സമുദ്രനിരപ്പിൽ നിന്ന് 874 മീറ്റർ ഉയരത്തിലാണ്. കോഴിക്കോട് ജില്ലയിലെ ആനക്കാംപൊയിൽ കള്ളാടി പ്രദേശമാകട്ടെ സമുദ്രനിരപ്പിൽ നിന്ന് 52 മീറ്റർ ഉയരത്തിലുമാണ്. ഈ രണ്ട് പ്രദേശങ്ങളെയും തുരങ്കപാത നിർമാണത്തിൽ ഏത് വിധേന ബന്ധപ്പെടുത്തുമെന്നതിനെയാണ് പശ്ചിമഘട്ട സംരക്ഷണ സമിതി ചോദ്യം ചെയ്യുന്നത്.