ആശുപത്രിയുടെ ശോചനീയാവസ്ഥ പരിഹരിക്കണമെന്ന് ആവശ്യപ്പെട്ട് യൂത്ത് ലീഗിന്റെ പ്രതിഷേധം
1049 views
വയനാട് വീഡിയോസ് സബ്സ്ക്രൈബ് ചെയ്യൂദിനംപ്രതി നൂറുകണക്കിന് രോഗികളും പ്രസവത്തിനായി നിര്ധനരും ആശ്രിയിക്കുന്ന സുല്ത്താന്ബത്തേരി താലൂക്ക് ആശുപത്രിയുടെ നിലവിലെ അവസ്ഥ പരിതാപകരമാണെന്ന് ആരോപിച്ചായിരുന്നു യൂത്ത് ലീഗിന്റെ പ്രതിഷേധം. അടിസ്ഥാന സൗകര്യങ്ങള് ഏറെ ഉണ്ടായിട്ടും ഡോക്ടര്മാരോ സ്റ്റ്റഫുകളോ ഇല്ലാത്തത് മൂലം വലിയ പ്രയാസമാണ് രോഗികള് അനുഭവിക്കുന്നത്. താലൂക്ക് ഗവ.ആശുപത്രിയുടെ ശോചനീയാവസ്ഥ ഉടന് പരിഹരിക്കണമെന്നും ആശുപത്രി ജില്ലാ ആശുപത്രിയായി ഉയര്ത്തണമെന്നും സമരക്കാര് ആവശ്യപ്പെട്ടു. ഇക്കാര്യമുന്നയിച്ച് യൂത്ത്ലീഗ് നടത്താനിരിക്കുന്ന സമരപരമ്പകളുടെയും നിയമനടപടികളുടെയും ആദ്യഘട്ടമായിരുന്നു ബുധനാഴ്ച നടത്തിയ മനുഷ്യചങ്ങല സമരം. ബ്ലോക്ക് പഞ്ചായത്തിന് കീഴിലാണ് താലുക്കാശുപത്രിയുടെ പ്രവര്ത്തനം. നിലവില് ബ്ലോക് പഞ്ചായത്ത് ഭരിക്കുന്നത് ഇടതുപക്ഷ മുന്നണിയാണ്. അതിനാല് തന്നെ സി.പി.എമ്മിന്റെ ഇടപെടലാണ് ആശുപത്രിയുടെ ശോച്യാവസ്ഥക്ക് കാരണമായിരിക്കുന്നതെന്ന് നേതാക്കള് പറഞ്ഞു.