മത്സ്യ-മാംസ മാര്ക്കറ്റിന്റെ അവസ്ഥ അതിദയനീയം | Batheri Fish and Meat Market|
1027 views
വയനാട് വീഡിയോസ് സബ്സ്ക്രൈബ് ചെയ്യൂസുല്ത്താന് ബത്തേരിയിലെ മത്സ്യ-മാംസ മാര്ക്കറ്റിന്റെ അവസ്ഥ അതിദയനീയം. വൃത്തിഹീനമായതിന്റെ പേരില് സംസ്ഥാന മലിനീകരണ നിയന്ത്രണ ബോര്ഡ് അടച്ചിടാന് ഉത്തരവിട്ടിരിക്കുകയാണ് നിലവിൽ. മാര്ക്കറ്റില് മാലിന്യത്തിന് അരികിലിരുന്ന് ഇറച്ചിയും മത്സ്യവും കപ്പയുമൊക്കെ വില്ക്കേണ്ട ഗതികേടിലാണ് തങ്ങളെന്ന് വ്യാപാരികള് പറയുന്നു. ചുങ്കത്ത് പ്രവര്ത്തനം ആരംഭിച്ച മാര്ക്കറ്റിന്റെ പ്രവര്ത്തനം നിര്ത്തിവെക്കാന് സംസ്ഥാന മലിനീകരണ നിയന്ത്രണ ബോര്ഡ് കഴിഞ്ഞ ദിവസമാണ് ഉത്തരവിട്ടത്. ഉദ്യോഗസ്ഥര് നടത്തിയ പരിശോധനയില് ചുങ്കം മാര്ക്കറ്റില് അതിരൂക്ഷമായ മലിനീകരണ പ്രശ്നങ്ങള് ഉള്ളതായാണ് കണ്ടെത്തിയത്. എന്നാല്, ഉത്തരവിറങ്ങിയിട്ടും മാര്ക്കറ്റ് വൃത്തിയാക്കുന്നതിനോ നിര്ദ്ദേശങ്ങള് പാലിക്കുന്നതിനോ അധികാരികള് തയ്യാറായിട്ടില്ലെന്നതാണ് ഇവിടുത്തെ കാഴ്ച്ചകളില് നിന്ന് വ്യക്തമാകുന്നത്. പരാതി ലഭിച്ചതിനെ തുടര്ന്ന് മലിനീകരണ നിയന്ത്രണ ബോര്ഡ് ഉദ്യോഗസ്ഥര് മാര്ച്ച് 15-നാണ് ആദ്യം മാര്ക്കറ്റില് പരിശോധന നടത്തിയത്. ഈ പരിശോധനയില് മാര്ക്കറ്റും പരിസരവും തീര്ത്തും വൃത്തിഹീനമായ അവസ്ഥയിലായിരുന്നുവെന്ന് ഉത്തരവിലുണ്ട്.