Sarvajana School Bathery: നവീകരിച്ച സ്കൂൾ കെട്ടിടം മാസങ്ങൾ കഴിഞ്ഞിട്ടും തുറന്നില്ല ആശങ്കയോടെ വിദ്യാർഥികൾ
1054 views
വയനാട് വീഡിയോസ് സബ്സ്ക്രൈബ് ചെയ്യൂസുല്ത്താന്ബത്തേരിയിലെ സര്വ്വജന സ്കൂൾ കെട്ടിടനിർമാണം പൂർത്തിയായി മാസങ്ങൾ കഴിഞ്ഞിട്ടും തുറന്നു നൽകുന്നില്ലെന്ന ആക്ഷേപമാണ് അധികൃതർക്കെതിരെ ഉയർന്നുവരുന്നത് . പുതിയ കെട്ടിടം തുറക്കാത്തത് കാരണം ചോർന്നൊലിക്കുന്ന കെട്ടിടത്തിൽ പഠനം നടത്തേണ്ട അവസ്ഥയാണ് ഇപ്പോഴും വിദ്യാർഥികൾ നേരിടുന്നത്. കഴിഞ്ഞ ജൂലൈയിൽ ഉദ്ഘാടനം തീരുമാനിച്ചെങ്കിലും കാലാവസ്ഥ അനുകൂലമാവാത്തതിൽ മാറ്റിവെക്കുകയായിരുന്നു . മാറ്റിവെച്ച കെട്ടിട ഉദ്ഘാടനം ഇപ്പോഴും നടത്താൻ കഴിയാത്തതിനാൽ തുറന്നു കൊടുക്കേണ്ടെന്നാണ് നഗരസഭയുടെ തീരുമാനം . ഇതിനിടയിൽ മന്ത്രിമാർ ഉൾപ്പെടെയുള്ള ജനപ്രതിനിധികളുടെ സൗകര്യം നോക്കി ഉദ്ഘാടനം നീട്ടികൊണ്ടുപോവുകയാണെന്ന ആക്ഷേപവും ഉയർന്നിരുന്നു .അഞ്ച് മുതല് എട്ട് വരെയുള്ള ക്ലാസ്മുറികള് സമീപത്തെ വി.എച്ച്.എസ്.സി സ്കൂൾ ലാബിലും മറ്റു താല്ക്കാലിക കെട്ടിടങ്ങളിലായാണ് പ്രവർത്തിക്കുന്നത് . പുതിയ കെട്ടിടം നിർമിക്കുന്നതോടെ ഈ ക്ലാസുകൾ മാറ്റാനായിരുന്നു തീരുമാനം. അത്യാധുനിക സൗകര്യങ്ങളോടുകൂടിയ മൂന്നുനില കെട്ടിടമാണ് നിർമാണം പൂർത്തിയയായി ഉദ്ഘാടനം കാത്ത് കിടക്കുന്നത് . മൂന്ന് കോടി രൂപ ചെലവിൽ നിർമാണ പ്രവർത്തികൾ ആരംഭിക്കാതെ ഇഴഞ്ഞുനീങ്ങുകയായിരുന്നു. തുടർന്ന് സർക്കാരും വിദ്യാഭ്യാസ വകുപ്പ് രണ്ട് കോടി രൂപ വീതവും കിഫ്ബി ഒരു കോടി രൂപയും അനുവദിച്ചാണ് കെട്ടിട നിർമാണം പൂർത്തിയാക്കിയത് . നാല് നിലകളിൽ നിർമാണം നടത്താൻ ആയിരുന്നു തീരുമാനം എന്നാൽ പ്രധാന ഫില്ലറുകളുടെ ഉറപ്പില്ലായ്മ കാരണം മൂന്ന് നിലകളിലായി നിർമാണം പൂർത്തീകരിക്കുകയായിരുന്നു . നാലാം നിലയ്ക്കായി അനുവദിച്ച തുക കെട്ടിടത്തിന്റെ ചുറ്റുവട്ടം മറ്റും ഉപയോഗിക്കുകയാണ് തീരുമാനം . ലിഫ്റ്റ് സജ്ജമായാല് വയനാട് ജില്ലയിലെ ലിഫ്റ്റ് സംവിധാനമുള്ള ആദ്യ സ്കൂള് ആകും സര്വ്വജന സ്കൂൾ . പതിനേഴ് ലക്ഷം രൂപയാണ് ബത്തേരി നഗരസഭ ലിഫ്റ്റ് സ്ഥാപിക്കാനായി ചെലഴിച്ചിട്ടുള്ളത്. 2019 നവംബറില് ഈ സ്കൂളിലെ അഞ്ചാംക്ലാസ് വിദ്യാര്ഥിനിയായിരുന്ന ഷഹല ഷെറിന് ക്ലാസ് മുറിയില് പാമ്പ് കടിയേറ്റ് മരിച്ചിരുന്നു തുടർന്നാണ് പുതിയ കെട്ടിടം നിർമിക്കാൻ തീരുമാനമായത് .