എന്റെ കേരളം മെഗാ പ്രദര്ശന വിപണന മേളയ്ക്ക് തുടക്കം
സംസ്ഥാന സര്ക്കാരിന്റെ രണ്ടാം വാര്ഷികാഘോഷത്തിന്റെ ഭാഗമായി നടത്തുന്ന എന്റെ കേരളം മെഗാ പ്രദര്ശന വിപണന മേള തിങ്കളാഴ്ച തുടങ്ങും. സാങ്കേതികമായി ഉയര്ന്ന നിലവാരത്തില് തയ്യാറാക്കിയ ശീതീകരിച്ച ജര്മ്മന് പവലിയനിലാണ് മേള നടക്കുക. എക്സിബിഷന് സ്റ്റാളുകളുടെ ഉദ്ഘാടനവും തിങ്കളാഴ്ച വൈകീട്ട് 4.30 ന് നടക്കും. കേരളം കൈവരിച്ച സാമൂഹിക സാംസ്കാരിക മുന്നേറ്റങ്ങള്, സംസ്ഥാന സര്ക്കാരിന്റെ ക്ഷേമപ്രവര്ത്തനങ്ങള്, വിവിധ സര്ക്കാര് വകുപ്പുകളുടെ സേവനങ്ങള് തുടങ്ങിയവയെല്ലാം എന്റെ കേരളം മെഗാ പ്രദര്ശനമേളയില് അടുത്തറിയാം. യുവതയുടെ കേരളം കേരളം ഒന്നാമത് എന്നതാണ് ഇത്തവണത്തെ എന്റെ കേരളം പ്രദര്ശന വിപണന മേളയുടെ പ്രധാന ആശയം. സാങ്കേതികമായി നവ കേരളത്തിന്റെ ഊര്ജ്ജസ്വലമായ മുന്നേറ്റം അടയാളപ്പെടുത്തുന്ന ടെക്നോ സോണ് അടക്കം മേളയില് പ്രത്യേകമായി സജ്ജീകരിക്കുന്നുണ്ട്. ഏറ്റവും മികച്ച സ്റ്റാള്, ഏറ്റവും മികച്ച ഭക്ഷ്യ സ്റ്റാള്, മാധ്യമ കവറേജ് എന്നിങ്ങനെ മേളയെ ആകര്ഷണീയമാക്കിയവര്ക്കുള്ള അവാര്ഡും ഇത്തവണ ഏര്പ്പെടുത്തിയിട്ടുണ്ട്. പ്രദര്ശന വിപണനമേളയില് 202 സ്റ്റാളുകളാണുളളത്. വ്യവസായ വകുപ്പിന്റെ മാത്രം 111 സ്റ്റാളുകള് മേളയുടെ ആകര്ഷകമാകും. വ്യവസായ വകുപ്പിന്റെ ജില്ലയിലെ സൂഷ്മ ചെറുകിട ഇടത്തരം സംരംഭകരുടെയും വിവിധ യൂണിറ്റുകളുടെയും സ്റ്റാളുകളാണ് തയ്യാറാക്കുന്നത്. വിവിധ ഉത്പന്നങ്ങളുടെ പ്രദര്ശനവും വില്പ്പനയുമുണ്ടാകും. ബി.ടു.ബി ഏരിയയും മേളയുടെ ഇത്തവണത്തെ പ്രത്യേകതയാണ്.wayanadTimesXP MalayalamUpdated: 25 Apr 2023, 2:59 pm