Thalipparakkadavu Bridge: താളിപ്പാറക്കടവ് പാലം തുറന്നു; ഇനി ഇരുകരകളിലേക്കും അനായാസം സഞ്ചരിക്കാം
1006 views
വയനാട് വീഡിയോസ് സബ്സ്ക്രൈബ് ചെയ്യൂവയനാട് ജില്ലയിലെ താളിപ്പറക്കടവ് പാലം തുറന്നു. കല്പ്പറ്റ, മാനന്തവാടി നിയോജകമണ്ഡലങ്ങളെയും പനമരം, പടിഞ്ഞാറത്തറ പഞ്ചായത്തുകളെയും ബന്ധിപ്പിക്കുന്ന ജില്ലയിലെ സുപ്രധാന പാലമാണിത്. ഇനി ഈ കരകളിലേക്കും ആളുകൾക്ക് അനായാസം സഞ്ചരിക്കാം. നബാര്ഡ് ആര്ഐഡിഎഫ് 21 പദ്ധതിയില് ഉള്പ്പെടുത്തി 17.55 കോടി രൂപ ചെലവിലാണ് പാലത്തിന്റെ നിര്മാണം പൂര്ത്തിയാക്കിയത്. 22.32 നീളത്തിലുള്ള മൂന്ന് സ്പാനുകളുള്ള പാലത്തിന്റെ ആകെ നീളം 66.96 മീറ്ററാണ്. കാര്യേജ്വേ 7.50 മീറ്ററും ഇരുവശത്തും 1.50 മീറ്റര് വീതിയിലുള്ള ഫുട്ട്പാത്ത് ഉള്പ്പെടെ ആകെ വീതി 11.05 മീറ്ററുമാണ്. അനുബന്ധ റോഡായി പനമരം ഭാഗത്ത് 1410 മീറ്ററും പടിഞ്ഞാറത്തറ ഭാഗത്ത് 860 മീറ്ററും ബിറ്റുമിനസ് മെക്കാഡം ടാറിങ് നടത്തി ഗതാഗതം സുഗമമാക്കിയിട്ടുണ്ട്. റോഡ് മാര്ക്കിങ്, സൈന് ബോര്ഡുകള് എന്നിവയും പൂര്ത്തീകരിച്ചിട്ടുണ്ട്. വെണ്ണിയോട് പുഴയ്ക്ക് കുറുകെ നേരത്തേ ഒരു മുളപ്പാലമുണ്ടായിരുന്നു ഇവിടെ ആളുകളുടെ ആശ്രയമായിരുന്നത്. എന്നാൽ ഒന്നരപ്പതിറ്റാണ്ട് മുൻപാണ് അത് തകരുന്നത്. തുടര്ന്ന് രണ്ട് പഞ്ചായത്തുകള് തമ്മിലുള്ള ബന്ധം തന്നെ ഇല്ലാതായി. നഷ്ടമായ ആ ബന്ധമാണ് പാലം യാഥാര്ഥ്യമായതോടെ വീണ്ടും സഫലമായിരിക്കുന്നത്. മന്ത്രി പിഎ മുഹമ്മദ് റിയാസ് പാലം ഉദ്ഘാടനം ചെയ്തു. പാലങ്ങളെ ടൂറിസ്റ്റ് കേന്ദ്രങ്ങളാക്കുമെന്ന് അദ്ദേഹം പറഞ്ഞു. പാലങ്ങള് ദീപാലംകൃതമാക്കി മാറ്റുകയും നദികള്ക്ക് കുറുകെയല്ലാത്ത ഓവര് ബ്രിഡ്ജുകളുടെ താഴത്തെ ഭാഗം പൊതുജനങ്ങള്ക്ക് ഉപയോഗപ്രദമാകും വിധം മികച്ച രീതിയില് പരിവര്ത്തനം ചെയ്യുകയുമാണ് പദ്ധതിയിലൂടെ ലക്ഷ്യമിടുന്നത്.