കർണാടകത്തിൽ പാഷന് ഫ്രൂട്ട് കൃഷി പരീക്ഷിച്ച് മലയാളി കർഷകർ
വയനാട് വീഡിയോസ് സബ്സ്ക്രൈബ് ചെയ്യൂ
കർണാടകത്തിൽ ഇഞ്ചി കൃഷിക്കായി പാട്ടത്തിനെടുത്ത് വിളവെടുപ്പ് നടത്തിയ സ്ഥലത്ത് പാഷന് ഫ്രൂട്ട് കൃഷി പരീക്ഷിച്ച് മലയാളി കർഷകർ. ഈ കൃഷിയിലേക്ക് മലയാളി കര്ഷകരെ ആകര്ഷിക്കുന്നത് വെറും ആറുമാസം മുതല്തന്നെ വിളവ് ലഭിക്കുമെന്നതാണ്. വയനാട്ടിൽ നിന്നുൾപ്പെടെ പാഷൻ ഫ്രൂട്ട് കയറ്റുമതി ചെയ്യുന്ന പ്രധാന സ്ഥലമാണ് കർണാടക. അതുകൊണ്ട് കർണാടകത്തിൽതന്നെ പാഷൻ ഫ്രൂട്ട് കൃഷി ചെയ്താൽ വിൽപ്പന എളുപ്പമാണെന്ന് കർഷകർ പറയുന്നു. കർണാടകത്തിൽ കൂലിച്ചിലവും കുറവാണ്. കര്ണാടകത്തിൽ നിലവിൽ പാഷന് ഫ്രൂട്ട് കൃഷി ചെയ്തുവരുന്നത് ഏക്കര് കണക്കിന് സ്ഥലത്താണ്. ഹാന്പോസ്റ്റ്, എച്ച്ഡി കോട്ട, നഞ്ചന്ഗോഡ് തുടങ്ങിയ പ്രദേശങ്ങളിലാണ് മലയാളികള് ഉള്പ്പെടെയുള്ളവര് പാഷന് ഫ്രൂട്ട് കൃഷിയും ആരംഭിച്ചത്. പാഷന് ഫ്രൂട്ട് ഇപ്പോള് കൂടുതലായും ഉപയോഗിക്കുന്നത് സ്ക്വാഷ്, ജൂസ് എന്നിവയ്ക്കായാണ്. വേനൽ ശക്തമായാൽ പാഷൻ ഫ്രൂട്ടിനൊപ്പം അനുബന്ധ ഉത്പന്നങ്ങൾക്കും ആവശ്യക്കാരേറും. പാഷന് ഫ്രൂട്ട് കൃഷി ലാഭകരമാണെന്ന് കര്ഷകനായ മരോട്ടിമൂട്ടിൽ സാബു പറഞ്ഞു. #Passionfruit #farmers