പുൽപ്പള്ളി സർവീസ് സഹകരണ ബാങ്ക് മുൻ പ്രസിഡൻ്റിന്റെ വീട്ടിലടക്കം അഞ്ചിടത്ത് ഇഡി പരിശോധന
വായ്പാ തട്ടിപ്പുമായി ബന്ധപ്പെട്ട് അഞ്ചിടത്ത് എൻഫോഴ്സ്മെൻ്റ് ഡയറക്ടറേറ്റ് പരിശോധന നടത്തുന്നു. പുൽപ്പള്ളി സർവീസ് സഹകരണ ബാങ്ക് മുൻ പ്രസിഡൻ്റും കെപിസിസി ജനറൽ സെക്രട്ടറിയായിരുന്ന കെ കെ ഏബ്രഹാമിൻ്റെ വീട്ടിലും ബാങ്കിലുമടക്കമാണ് പരിശോധന. രാവിലെ 11 മണിക്കാണ് പരിശോധന തുടങ്ങിയത്. വായ്പാ തട്ടിപ്പുമായി ബന്ധപ്പെട്ട് നേരെത്തെ ഇഡിക്ക് പരാതി ലഭിച്ചിരുന്നു. ഇതിൻ്റെ കൂടി അടിസ്ഥാനത്തിലാണ് പരിശോധന. വായ്പാ തട്ടിപ്പുമായി ബന്ധപ്പെട്ട് കർഷകൻ ആത്മഹത്യ ചെയ്ത സംഭവത്തിൽ ഏബ്രഹാം നിലവിൽ റിമാൻഡിൽ കഴിയുകയാണ്. ഇതിനിടയിലാണ് റെയ്ഡ് നടക്കുന്നത്.wayanadTimesXP MalayalamUpdated: 9 Jun 2023, 9:28 pm