മണ്ണിടിച്ചിൽ ഭീഷണി; കുടുംബങ്ങളെ മാറ്റിപാർപ്പിക്കുന്നതിനുള്ള നടപടികൾ നീളുന്നു
1011 views
വയനാട് വീഡിയോസ് സബ്സ്ക്രൈബ് ചെയ്യൂമണ്ണിടിച്ചിൽ ഭീഷണിയിൽ തുടരുന്ന പ്രദേശത്തെ വീടുകളിലുള്ളവരെ മാറ്റിപാർപ്പിക്കുന്നതിനുള്ള നടപടികൾ നീളുന്നു. വെങ്ങപ്പള്ളി പഞ്ചായത്തിലെ പന്ത്രണ്ടാം വാര്ഡില് പിണങ്ങോട് ലക്ഷംവീട് കോളനിയിലെ വീടുകൾ ആണ് മണീടിച്ചിൽ ഭീഷണിയിൽ കഴിയുന്നത്. ആറ് വീടുകളാണ് മണ്ണിടിച്ചില് സാധ്യതയുള്ള പ്രദേശത്ത് തുടരുന്നത്. ഈ കുടുംബങ്ങളെ പുനരധിവസിപ്പിക്കാനായി റീ ബില്ഡ് കേരള പദ്ധതിയില് ഉള്പ്പെടുത്തി 50 ലക്ഷം രൂപ അനുവദിക്കാന് ഭരണാനുമതിയായിട്ട് രണ്ട് വര്ഷം കഴിഞ്ഞെങ്കിലും പിന്നീട് തുടര്നടപടികളൊന്നുമുണ്ടായിട്ടില്ലെന്ന് അധികൃതര് പറയുന്നു. കോളനിയില് ലൈഫ് പദ്ധതിയില് ഉള്പ്പെടുത്തി നിര്മിച്ച വീടിന്റെ ഭിത്തികളും തറയും വിണ്ടുകീറി ഏത് നിമിഷവും തകര്ന്നുവീഴുമെന്ന അവസ്ഥയിലാണ്. ഏഴ് മീറ്റര് ഉയരത്തില് സ്ഥിതി ചെയ്യുന്ന ഈ വീടും മണ്തിട്ടയുമാണ് താഴെയുള്ള കുടുംബങ്ങള്ക്ക് ഭീഷണിയായിരിക്കുന്നത്. ഫണ്ട് അനുവദിച്ചതിനെ തുടര്ന്ന് ബ്ലോക്ക് പഞ്ചായത്ത് സെക്രട്ടറിയെ നിര്വഹണ ഉദ്യോഗസ്ഥനായി നിയമിച്ചിരുന്നു. തുടര്ന്ന് അസി.എക്സിക്യൂട്ടീവ് എന്ജിനീയര് സ്ഥല പരിശോധന നടത്തിയെങ്കിലും മണ്ണിടിച്ചില് ഭീഷണിയുള്ളതിനാല് ഏത് നിമിഷവും മുകളിലെ വീട് തകര്ന്ന് താഴെയുള്ള വീടുകള്ക്ക് മുകളില് പതിക്കാന് ഇടയുണ്ടെന്ന് ഇദ്ദേഹം റിപ്പോര്ട്ട് നൽകുകയും ചെയ്തു.