Kumki Elephant : കാട്ടാനകളെ തുരത്താന് എത്തി; പാപ്പാനെ വെട്ടിച്ച് കാട് കയറി കുങ്കിയാന
1331 views
വയനാട് വീഡിയോസ് സബ്സ്ക്രൈബ് ചെയ്യൂനീലഗിരി പന്തല്ലൂരിൽ ഇറങ്ങിയ കാട്ടാനകളെ തുരത്താന് കൊണ്ടുവന്ന കുങ്കിയാന കാട് കയറാന് ശ്രമിച്ചത് പാപ്പാന്മാരെ ആശങ്കയിലാക്കി. 'കട്ടക്കൊമ്പന്', 'ബുള്ളറ്റ്' എന്നിങ്ങനെ നാട്ടുകാര് പേരിട്ട് വിളിക്കുന്ന കാട്ടാനകളായിരുന്നു പന്തല്ലൂരിലെ ജനവാസമേഖലയിലെത്തിയിരുന്നത്. ശ്രീനിവാസന് കുങ്കിയാന വര്ഷങ്ങള്ക്ക് മുമ്പ് ഈ സംഘത്തിലുണ്ടായിരുന്നു. പിന്നീട് ശല്യക്കാരനായപ്പോഴാണ് തമിഴ്നാട് വനംവകുപ്പ് പിടിച്ച് ചട്ടം പഠിപ്പിച്ച് കുങ്കിയാക്കിയത്. കുറെ കാലങ്ങള്ക്ക് ശേഷം ഇരുവരും കാണുന്നത്. തുടർന്ന് ശ്രീനവാസന്റെയടുത്ത് അല്പ്പനേരം കട്ടക്കൊമ്പന് നിലയുറപ്പിച്ചു. പിന്നാലെ ഇരുവരും ഒരുമിച്ച് കാടുകയറാന് ശ്രമിക്കുകയായിരുന്നു. ഇതോടെ കാട്ടാനയായ കട്ടക്കൊമ്പനെ തുരത്തി കുങ്കിയെ തിരികെ കൊണ്ടുവരാനുള്ള ശ്രമം ആരംഭിച്ചു. കാട്ടാനകളെ തുരത്തി ശ്രീനിവാസനെ വരുതിയിലാക്കിയ വനംവകുപ്പിന്റെ പാപ്പാന്മാര് കരിമ്പും മറ്റും നല്കി ആനയെ അനുനയിപ്പിച്ച് കൂടെ നിര്ത്തുകയായിരുന്നു.