വയനാട് സന്ദര്ശിക്കുന്ന സഞ്ചാരികളുടെ എണ്ണത്തില് വന് വര്ധന |Wayanad
1013 views
വയനാട് വീഡിയോസ് സബ്സ്ക്രൈബ് ചെയ്യൂവയനാട് സന്ദര്ശിക്കുന്ന സഞ്ചാരികളുടെ എണ്ണത്തില് വന് വര്ധന. പൂക്കോട് തടാകം, കാരാപ്പുഴ, ബാണാസുര ഡാമുകള് എന്നീ പ്രധാന ടൂറിസം കേന്ദ്രങ്ങളിലെല്ലാം വന്തിരക്കാണ് അനുഭവപ്പെടുന്നത്. വിനോദസഞ്ചാരകേന്ദ്രങ്ങളിലെല്ലാം ഏറ്റവുമധികം തിരക്ക് അനുഭവപ്പെട്ടത് ഏപ്രില് 29,. 30, മെയ് ഒന്ന് തിയ്യതികളിലായിരുന്നു. ചുരം കയറിയെത്തുന്നവരുടേയും, കര്ണാടക, തമിഴ്നാട് തുടങ്ങിയ സംസ്ഥാനങ്ങളില് നിന്നും എത്തുന്നവരുടെയും എണ്ണത്തില് വന് വര്ധനവാണുണ്ടായത്. വേനല്മഴ ലഭിച്ചതോടെ വയനാട്ടില് വനമേഖലകള് പച്ചപ്പണിഞ്ഞ് തുടങ്ങിയിട്ടുണ്ട്. സന്ദര്ശകരുടെ എണ്ണത്തില് മുന്നിലുള്ളത് പൂക്കോട് തടാകം തന്നെയാണ്. 14 ലക്ഷത്തിലേറെ രൂപയാണ് മൂന്ന് ദിവസത്തെ മാത്രം വരുമാനം. കുറുവാദ്വീപ്, പഴശിപാര്ക്ക്, അമ്പലവയല് ഹെറിറ്റേജ് മ്യൂസിയം, ബത്തേരി ടൗണ് സ്ക്വയര്, കാന്തന്പാറ വെള്ളച്ചാട്ടം, പഴശി സ്മാരകം എന്നിങ്ങനെയുള്ള ടൂറിസ്റ്റ് കേന്ദ്രങ്ങളിലെല്ലാം ഈ ദിവസങ്ങളില് ഭേദപ്പെട്ട തിരക്കുണ്ടായിരുന്നു.