കണ്ണിന് കുളിർമയേകി ഗുൽമോഹർ
കണ്ണിന് കുളിർമയേകി ഗുൽമോഹർ. മാനന്തവാടിയിൽ നിന്ന് തിരുനെല്ലിയിലേക്കുള്ള പാതയിലാണ് യാത്രക്കാരുടെ കണ്ണിന് കുളിർമയേകി ഗുൽമോഹർ പൂത്തിരിക്കുന്നത്. ഇലകൾ പോലും കാണാത്ത വിധം നിറയെ പൂത്തുലഞ്ഞ് നിൽക്കുന്ന മരങ്ങൾ കാണാൻ നിരവധി പേരാണ് വാഹനം നിർത്തി മരങ്ങൾക്ക് സമീപം എത്തുന്നത്. സെൽഫിയെടുത്ത് ഗുൽമോഹർ വസന്തത്തെ ആഘോഷമാക്കുകയാണ് ഏവരും. മഡഗാസ്കർ എന്ന ആഫ്രിക്കൻ ദ്വീപ് പ്രദേശങ്ങളിലാണ് ഗുൽമോഹറിൻറെ ഉത്ഭവം. ഡെലോനിക്സ് റീജിയ എന്നാണ് ഗുൽമോഹറിൻറെ ശാസ്ത്രീയനാമം. ചില നാടുകളിൽ അലസിപ്പൂമരമെന്നും വാകമരമെന്നും ഗുൽമോഹർ പൂക്കുന്ന മരങ്ങളെ വിളിക്കാറുണ്ട്. വേനൽച്ചൂടിന് കാഠിന്യമേറുന്ന ഏപ്രിൽ, മേയ് മാസങ്ങളിൽ വയനാട്ടിലുടനീളം ഗുൽമോഹർ പൂത്തുനിൽക്കും. കുറഞ്ഞ ദിവസങ്ങൾ മാത്രം വിടർന്നു മിഴിവോടെ നിൽക്കുന്ന പൂക്കൾ പൊഴിഞ്ഞ് വഴിയോരങ്ങളിൽ ചുവപ്പ് നിറയുന്നതും വേറിട്ട കാഴ്ചയാണ്.wayanadTimesXP MalayalamUpdated: 3 May 2023, 10:28 am