കുടിവെള്ളത്തില് മലിനജലം കലരുന്നുവെന്ന് പരാതി | water pipes
1021 views
വയനാട് വീഡിയോസ് സബ്സ്ക്രൈബ് ചെയ്യൂഅഴുക്കുചാലിലൂടെ സ്ഥാപിച്ച കുടിവെള്ള പൈപ്പുകളിലൂടെ കുടിവെള്ളത്തില് മലിനജലം കലരുന്നുവെന്ന് പരാതി. കല്പ്പറ്റ നഗരത്തിലെ കുടിവെള്ളപൈപ്പുകളില് പലതിലും ചോര്ച്ചയെന്നാണ് പരാതി. വാട്ടര്അതോറിറ്റി തലങ്ങും വിലങ്ങുമാണ് പൈപ്പുകള് സ്ഥാപിച്ചിരിക്കുന്നത്. ഇത് കാരണം മുനിസിപ്പാലിറ്റി ശുചീകരണ തൊഴിലാളികള്ക്ക് ഓടകള് വൃത്തിയാക്കാനും കഴിയാത്ത സ്ഥിതിയാണ്. നഗരസഭ ജോലിക്കാരെത്തി അഴുക്കുചാലുകള് വൃത്തിയാക്കുന്നതിനിടെയാണ് കുടിവെള്ള പൈപ്പുകളില് ചിലതിലെ ചോര്ച്ച പൊതുജനങ്ങളുടെ ശ്രദ്ധയില്പ്പെട്ടത്. പൈപ്പുകളില് പലതും ഓടയിലെ അഴുക്കുവെള്ളത്തില് മുങ്ങികിടക്കുന്ന നിലയിലാണ്. നഗരസഭ ചെയ്തുവരുന്നത് മഴക്കാലത്തിന് മുമ്പുള്ള ശുചീകരണമാണ്. ഓടകള് പലതും മണ്ണും പ്ലാസ്റ്റിക് കവറുകളും അടിഞ്ഞ് ഒഴുക്ക് തടസപ്പെട്ട നിലയിലാണ്. വാട്ടര് അതോറ്റിറ്റിയുടെ പൈപ്പുകള് പോകുന്നതിനാല് ജെ.സി.ബി കൊണ്ടുവന്ന് അഴുക്കുചാലുകള് വൃത്തിയാക്കാന് കഴിയാത്ത സ്ഥിതിയാണ്.