Vythiri SI Viral Video: ജീപ്പിൽനിന്ന് ഇറങ്ങിയില്ല, സിവിൽ പോലീസ് ഓഫീസർക്ക് എസ്ഐയുടെ മർദ്ദനംസിവിൽ പോലീസ് ഓഫീസർക്ക് എസ്ഐയുടെ മർദ്ദനം. വൈത്തിരി ഇന്‍സ്‌പെക്ടര്‍ ബോബി വര്‍ഗീസാണ് ഇതേ സ്റ്റഷനിലെ കീഴുദ്യോഗസ്ഥന് റഫീഖിനെ മർദ്ദിച്ചത്. അസഭ്യവർഷത്തോടൊപ്പം ദേഹോപദ്രവവും ഏൽപ്പിക്കുകയായിരുന്നു. ഇതിന്റെ ദൃശ്യങ്ങൾ വൈറലായതോടെ നടപടിക്കൊരുങ്ങുകയാണ് ഉന്നത പോലീസ് ഉദ്യോഗസ്ഥർ. വൈത്തിരി കനറാ ബാങ്കിന് സമീപം വെള്ളിയാഴ്ച രാത്രിയായിരുന്നു സംഭവം. വൈത്തിരിയില്‍വെച്ച് ഒരാള്‍ പെണ്‍കുട്ടിയോട് മോശമായി പെരുമാറിയിരുന്നു. സംഭവം നടന്നതിനു തൊട്ടുപിന്നാലെയെത്തിയ ഇന്‍സ്‌പെക്ടറോടും സംഘത്തോടും പെണ്‍കുട്ടി കാര്യങ്ങള്‍ വിവരിച്ചു. പെണ്‍കുട്ടി പറഞ്ഞ വിവരമനുസരിച്ച് ഇന്‍സ്‌പെക്ടര്‍ ഒരാളെ സ്ഥലത്ത് നിന്ന് തന്നെ കസ്റ്റഡിയിലെടുത്തെങ്കിലും ഇയാളായിരുന്നില്ല യഥാര്‍ഥപ്രതി. കസ്റ്റഡിയിലായ ആളും ഇന്‍സ്‌പെക്ടറും തമ്മില്‍ വാക്തര്‍ക്കമായി. ഇതില്‍ നാട്ടുകാരും ഇടപെട്ടതോടെ വലിയ ബഹളമായി. ഇത്രയേറെ പ്രശ്‌നമുണ്ടായിട്ടും പോലീസുകാരന്‍ ജീപ്പില്‍നിന്ന് ഇറങ്ങാത്തതാണ് ഇന്‍സ്‌പെക്ടറെ ക്ഷുഭിതനാക്കിയതെന്ന് പറയുന്നു.