അതിജീവനം തേടി ചെട്ട്യാലത്തൂർ എൽ.പി. സ്കൂൾ
1068 views
വയനാട് വീഡിയോസ് സബ്സ്ക്രൈബ് ചെയ്യൂഅതിജീവനം തേടി ചെട്ട്യാലത്തൂർ എൽ.പി. സ്കൂൾ. നൂൽപ്പുഴ പഞ്ചായത്തിലെ പന്ത്രണ്ടാം വാർഡിൽ ഉൾപ്പെടുന്ന വനഗ്രാമമാണ് ചെട്ട്യാലത്തൂർ. കാട്ടുനായ്ക്ക, പണിയ വിഭാഗങ്ങളിൽ നിന്നായി അറുപതിലധികം ആദിവാസി കുടുംബങ്ങളും എഴ് ജനറൽ കുടുംബങ്ങളും ആണ് ഇവിടെയുള്ളത്. പക്ഷെ അപ്പോഴും പ്രദേശത്തെ ഏക എൽപി സ്കൂൾ ഇന്ന് അതിജീവനത്തിൻറെ പാതയിലാണ്. ഫിറ്റ്നെസ് ലഭ്യമാകുന്നതടക്കം നിരവധി പ്രതസന്ധി ഘട്ടങ്ങളിലൂടെ കടുന്നുപോകുകയാണ് ഇന്ന് ചെട്ട്യാലത്തൂർ എൽ.പി സ്കൂൾ. ഒന്നാം ക്ലാസിൽ ഇത്തവണ ഒരു കുട്ടി മാത്രമാണ് പ്രവേശനം നേടിയത്. വനഗ്രാമത്തിലുള്ള കുടുംബങ്ങളെ പുറത്തെത്തിക്കുന്നതിനായി സർക്കാർ നടപ്പിലാക്കുന്ന പുനരധിവാസ പദ്ധതി ചെട്ട്യൂലത്തൂരിനും ബാധകമായതോടെയാണ് ഇവരുടെ ദുരിതം തുടങ്ങിയത്. നിലവിൽ സ്കൂൾ തുറക്കുന്നതിനുള്ള മുന്നൊരുക്കങ്ങളൊന്നും നടത്തിയിട്ടുണ്ടായിരുന്നില്ല. പുനരധിവാസത്തിൻറെ പേരിൽ ഒരു തരത്തിലുമുള്ള നിർമാണ പ്രവർത്തനങ്ങളും ഇവിടെ നടപ്പാക്കാൻ പറ്റാതെ ബുദ്ധിമുട്ടുകയാണ് പഞ്ചായത്ത്.